LUKAS 5:30 - Tanou Moonsoi Timugon

³⁰ Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

LUKAS 5:30 Iomraidhean Croise

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 9:11

Kukula' ngaulun ru Parisi nakakito ra baal raginio. Kuati' nilo maamaya'-maamaya' ri Jisus, “Kua ra mangingila' mino mangkan magugulung ra mampalulur ra cukai am ulun ondo' karaan ra malaat?”

MARKUS 2:16

Paat ra mangingila' ra Ukum ri Musa intor ra tayar ru Parisi nakakito ri Jisus giminulung ra ulun mampalulur ra cukai am ulun-ulun ondo' karaan ra malaat, pangkuot ilo ra maamaya'-maamaya' Nano, “Kua gulung Io ra mampalulur ra cukai am ulun-ulun ondo' karaan ra malaat?”

MARKUS 7:3

Sabap ra ulun ru Parisi nogondo' niayuk ra ulun ru Jaudi ra bokon, sumugut toojo ra kaulayan ru kinamatuaan nilo. Kalo igondo' ilo pangakan ru kalo poyo makapambagu' galing sumugut ra kaulayan ondo' inaru'.

MARKUS 9:16

Pangkuot i Jisus ra maamaya' Nano, “Atan nantaaman min ra mangingila' ra Ukum ri Musa ni?”

LUKAS 18:11

Ulun ru Parisi no minigor am nakiasi' io, kono, ‘Aki Kapuuno', paringkuanangan ku Rirun, sabap ra kalo makalit aku kapoam magabau, kapoam lumapau, koson ra ulun bokon. Paringkuanangan ku sabap ra aku sala' ka koson ra mampalulur ra cukai no.

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

LUKAS 5:17

Sangarawan ragili paat i Jisus nangila', mokoondo' kukula' ngaulun ru Parisi am mangingila' ra Ukum ri Musa nantuturung mangkirongog Riso. Minatong ilo intor ra bandar Jirusalim am poyo intor ra moonong intok giu' ra libung Galilia am Judia. Kuasa' ru Tuhan siminoroi ri Jisus koson mamabas ra ulun marualan.

LUKAS 5:21

Kaa' mangingila' ra Ukum ri Musa am ulun-ulun ru Parisi nansusunur ra rondo' am bokon, “Osoi ulun ragitio ondo' makakau' magasab ri Aki Kapuuno'? Osoi mangampun ra tula kaa' i Aki Kapuuno' ayuk galama'?”

LUKAS 7:34

Ratong Anak ru Ulun, mangakan am manginum Io am kamin boo, ‘Ilai' ulun no! Moroot, gagaukon, kumubayau Io ra ulun mampalulur ra cukai am ulun ondo' karaan ra malaat.’

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”