LUKAS 5:26 - Tanou Moonsoi Timugon

²⁶ Nokosolong ngaangai' ulun am pongompor ilo ri Aki Kapuuno'. Nabaya' ra pangkaraan malaa', konilo, “Orou raiti' nakakito takau ra kaimuagan.”

LUKAS 5:26 Iomraidhean Croise

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

MATIUS 12:23

Ngaangai' ulun nangimuag. Pangkuot ilo, “Maaru' lair Io ti Anak ru raja' Daut ondo' pinili' i?”

MATIUS 28:8

Kabalu' pana naansukan ilo nalaa' piboo kakaga' am indibok ingkual intor ra lobong no am simbul ilo ongoi pambala' ra maamaya'-maamaya' Nano.

MATIUS 9:8

Pakakito ulun-ulun i ra nasauk koson raginio, nalaa' ilo am pongompor ilo ri Aki Kapuuno' sabap ra nanaak Io ra kuasa' ondo' maayo toojo ra ulun.

MARKUS 2:12

Liliwa' ru ulun ngaangai' no magilong ra ulun kalo makalulu' no, timinirong am kayango' no tilam nano am ingkual. Nangimuag ilo kaga', nongompor ilo ri Aki Kapuuno', konilo, “Kalo poyo igondo' takau pakakito ra nasauk koson ragitio!”

LUKAS 1:65

Nangalaa' ngaangai' pinasambalayan nano am tanou raginio nakatabual ra ngaangai' pamagunan ru kabuluran ru Judia.

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

RINALATAN 4:21

Lolobo' poyo ru ulun ru Majlis Ugama i Pitrus am i Juanis, am palabuso' nilo boo karuo-ruo no. Kalo nakatuum ilo ra sasaban koson mangukum risilo, sabap ra ngaangai' ulun nongongompor ri Aki Kapuuno' sabap ra ondo' nasauk i.

GALATIA 1:24

Ilo pana nongompor boo ri Aki Kapuuno' sabap ra ondo' nasauk raki'.