LUKAS 5:24 - Tanou Moonsoi Timugon

²⁴ Kaa' raino aniin takamin ra tatandu' ra Anak ru Ulun makakuasa' ra tana' ti mangampun ra tula.” Indagu boo i Jisus ra ulun kalo makalulu' no, “Sukal no, kayango' noyo bandasan muno am uli' no!”

LUKAS 5:24 Iomraidhean Croise

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

MATIUS 16:13

Ongoi i Jisus ra libung mamaar ra pekan Kaisaria Pilipi. Giu' no nangkuot Io ra maamaya'-maamaya' Nano, “Kon ru ulun, osoi sotopot no Anak ru Ulun no?”

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 9:6

Mampainono' Aku ramuyun ra Anak ru Ulun makakuasa' ra tana' ti mangampun ra tula.” I Jisus pana mindagu ra ulun ondo' kalo makalulu' no, “Sukal no, kayango' tilam muno am uli' no!”

LUKAS 5:13

Pokopoo' boo ri Jisus kalindu' Nali ra ulun no liliwa' minindagu, “Masaga' Aku, kapali' no!” Paat ragili niayuk nairu' maruol ru ulun i.

LUKAS 5:18

Paat ragili ratong kukula' ngaulun ungkuyon namandas ra sangulun ungkuyon ondo' kalo makalulu'. Ulun no pinalangan ra intok namandasan. Kinamin nilo paumposo' ulun no ra baloi no paumaan ri Jisus.

LUKAS 5:23

Ati kia matasu' raguon, ‘Inampun noyo tula muno’, kapoam mindagu ra, ‘Sukal am ugar no’?

LUKAS 7:14

Inggaari' boo ri Jisus am kopoo' No bandasan napaalangan ra baangkai i am uog boo ulun-ulun namandas no. Indagu i Jisus, “Tuu'-bagu, sukal no!”

LUKAS 8:54

Guuto' ri Jisus longon ru anak no am indagu Io ra mosongou, “Anak, sukal no!”

JUANIS 11:43

Pakaindagu raginii, golok boo i Jisus ra mosongou, “Lajarus, ingkual!”

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 5:27

Nangani' Io ra Anak ra kuasa' mangakim, sabap ra Io no Anak ru Ulun.

RINALATAN 14:10

am indagu ra bolos mapuor, “Ingkakat am bigor no!” Bigor pulali' ulun ti am tumalimpuun mugar-ugar.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

PINAINTALANG 1:13

Tatanga' no mokoondo' minigor koson ra ulun. Nambayang Io ra sukub maawar polos ra kalayam am kubab Nano inangkupan ra mas.