LUKAS 5:13 - Tanou Moonsoi Timugon

¹³ Pokopoo' boo ri Jisus kalindu' Nali ra ulun no liliwa' minindagu, “Masaga' Aku, kapali' no!” Paat ragili niayuk nairu' maruol ru ulun i.

LUKAS 5:13 Iomraidhean Croise

KASAUKAN 1:3

Indagu i Aki Kapuuno', “Kasauk no sinda.” Sinda ti pana nasauk.

KASAUKAN 1:9

Indagu boo i Aki Kapuuno', “Moonsoi ru timug ondo' mokoondo' ra ragana' ru limbowon tumilis ra rondo' intok saboi tana' ti makito ra mapua'.” Baal raginio pana nasauk.

2 RAJA'-RAJA' 5:10

Panusub i Ilisa ra sangulun ulipon mingkual koson mambala' ri Naaman maa' raginio mariu' intulu' giu' ra Sungoi Jordan, maruol nano pana mababas boo.

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

MAZMUR 33:9

Bulintok ra Io mindagu, tana' ti nasauk; intor ra ragu Nano, ngaangai' no sinauk.

YEHEZKIEL 36:29

Palabuson Takamin intor ra ngaangai' ondo' mampajamol ramuyun. Susubon Ku gandum maa' raginio tumuu' ra malabung saboi kalo boo makaili' kau ra bitilan.

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

MATIUS 8:3

Papuyayo' ri Jisus kalindu' Nali ra ulun no am indagu Io, “Masaga' Aku, kapali' no!” Paat ragili niayuk maruol nali napali'.

LUKAS 4:39

Ongoi i Jisus ra nambalangan ru ruandu' no am pagiruo' No salom i am kababas io boo. Parayus iwan ri Simon siminukal am nampasulung risilo ra akanon.

LUKAS 5:12

Paat ra sangarawan, soroi i Jisus ra rondo' pekan am giu' i mokoondo' sangulun ungkuyon makamaruol ra kungkung ondo' maaja'. Napuu inan nali ra maruol no. Pakakito io ri Jisus, igulatur io ra saang Nali am indagu, “Tuan, amon ru masaga' Kou, maalap Mu aku ra babas!”

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”