LUKAS 4:35 - Tanou Moonsoi Timugon

³⁵ Sawayo' ri Jisus riwato no, indagu Io, “Pongkoror am ingkual no intor ra ulun ti!” Bigogo' ru riwato ulun no ra saang ru ulun masuang no am ingkual kaa' kalo nampakaruol ra ulun ti.

LUKAS 4:35 Iomraidhean Croise

MAZMUR 50:16

Kaa' i Aki Kapuuno' mindagu ra ulun malaat, “Kolondo' kuasa' min mindagu ra ukum Kuno am mangatang ra pansusunuran ra nabantuan Kuno,

JAKARIA 3:2

Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”

MATIUS 17:18

Susubo' ri Jisus riwato no mingkual intor ra lalaing no am riwato no pana miningkual. Paat ragili niayuk nababas boo lalaing i.

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

MARKUS 1:26

Ugogogo' ru riwato no inan ru ulun no. Pompogolok io liliwa' ingkual intor ra inan ru ulun i.

MARKUS 4:39

Kakarat Io, am susubo' No bagiu' mapuor no am indagu ra tasik no, “Pongkoror! Linos no!” Bagiu' no pana limininos am tasik no pana liminiuk.

MARKUS 9:26

Riwato no nompogolok am pagiampaso' inan ru lalaing no, am miningkual. Lalaing no kolondo' pongkotoi saboi ngaangai' ulun minindagu, “Minatoi io no!”

LUKAS 11:22

Kaa' amon ru sangulun ondo' maikang poyo intor riso no, mongoi pakimansangor riso, maaru' kalo maanggal no. Gaawo' ru ulun no kinandoi mangayou nali ondo' pinagalung no ra kuliamos nali, am ondo' tinakou nali tatayaron no.

LUKAS 4:23

Indagu i Jisus risilo, “Maaru' magabig kau Raki' koson ragitio, ‘Duktur, okou galama' mibabas. Kaimuagan ondo' norongog mai ra binaal Muni giu' ra Kapirnaum, baalo' niayuk giti ra intok Muno galama'.’ ”

LUKAS 4:39

Ongoi i Jisus ra nambalangan ru ruandu' no am pagiruo' No salom i am kababas io boo. Parayus iwan ri Simon siminukal am nampasulung risilo ra akanon.

LUKAS 4:41

Riwato-riwato pana miningkual intor ra inan ru masuang ulun liliwa' ilo giminolok, “Anak Kou ri Aki Kapuuno'!” Kaa' sawayo' ilo ri Jisus am kalo paindaguon No ilo sabap ra nakapandai ilo ra Io no Mamamayag ondo' sinusub ri Aki Kapuuno'.

LUKAS 8:24

Karato' boo ru maamaya' Nano i Jisus, konilo, “Tuan, tuan, makalom takau!” Palinoso' boo ri Jisus bagiu' am kinulun ra makalalaa' i. Longgo' boo bagiu' am kinulun i, tasik i pana maliuk boo kaga'.

LUKAS 9:39

Paat io subolon ru riwato mompopogolok io am inan nano pana kumakang saboi manamputa' kabang nano. Imboloon io ru riwato no ondo' kalo masaga' mingkual intor riso!

LUKAS 9:42

Pakainggaar lalaing no ri Jisus, pinagiampas io ru riwato no am inan nano pana kumakang. Kaa' susubo' ri Jisus riwato no magiru' am babaso' no lalaing i. Pasagulio' boo lalaing i ra ama' nali.

PINAINTALANG 12:12

Sabap raginio, pakaansuk noyo suruga' am ngaangai' ondo' minayan no. Kaa' aibui boo ra tana' ti am raat, sabap ra Tingganai ru riwato no timinuun ra giu' am sumangit io toojo, sabap ra nakatutun io ra kaluagan nano kalo mabuoi.”