LUKAS 4:2 - Tanou Moonsoi Timugon

² Kininaman Io ru Tingganai ru riwato no ra giu' i buoi apat ngoopor ngoorou. Buoi raginio nampali i Jisus am kalo nangakan Io ra atan ayuk pana saboi naitilan Io.

LUKAS 4:2 Iomraidhean Croise

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

1 RAJA'-RAJA' 19:8

Sukal i Ilia am pangakan; akanon no nangani' riso ra ikang koson mugar buoi apat ngoopor ngoorou mongoi ra Gunung Sinai, intok ri Aki Kapuuno' mintalang.

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

KAINGKUALAN 24:18

Parayus boo i Musa nagaloi ra gunung saboi io nakasubol ralalom ru gaun no. Soroi io ra giu' no buoi apat ngoopor ngoorou am apat ngoopor ngorondom.

KAINGKUALAN 34:28

Soroi i Musa ra intok no nabaya' ra Tuhan buoi apat ngoopor ngoorou am apat ngoopor ngorondom, kalo nangakan am nanginum. Nanulis i Musa ra ragu nabantuan no ra batu pamatikan no.

JUNUS 3:7

Raja' pana nampatanou niayuk ra susuban ragitio ra ngaangai' mamagun ru bandar Niniwi, “Gitio noyo ragu pamatasan intor ra raja' am ngaangai' menteri: Ngaangai' ulun, sapi', domba, am bibiag tinambiag ra bokon inggalarin mangakan am manginum.

MATIUS 21:18

Paat ra tumawang ra susuab, sumaguli' i Jisus am maamaya' Nano ra bandar. Tatanga' ilo nangkiralan nalimanan ri Jisus naitilan.

MATIUS 4:2

Kopongo i Jisus nampali buoi apat ngoopor ngoorou am apat ngoopor ngorondom, naitilan Io.

LUKAS 4:3

Indagu Tingganai ru riwato no Riso, “Amon ru motopot Anak Kou ri Aki Kapuuno', kinami' susubo' batu ti masauk ra ruti'.”

JUANIS 4:6

Giu' i makatulubong ondo' binaal ri Jakub ra galing i. Paat ra tanga' ru orou, panturung i Jisus ra kiing ru tulubong i sabap ra naagui Io ra pangkiralanan. Maamaya' Nano minongoi pambali ra akanon giu' ra pekan. Ratong boo sangulun ruandu' Samaria mongoi sagou am indagu i Jisus riso, “Anii' Aku ra inumon.”

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.

SAGULION 9:25

Ginio ra samba kubu aku ra saang ru Tuhan buoi apat ngoopor ngoorou am apat ngoopor ngorondom, sabap nakapandai aku ra namatas Io koson mamuso ramuyun.

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.

IBRANI 2:18

Am raino makapangindangan Io ra ulun ondo' kinamin, sabap ra Io galama' nakaili' noyo ra kaimbalaan am pangkinaman.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

1 SAMUIL 17:16

Buoi apat ngoopor ngoorou, moonong susuab ti am mamai' ti, minggaar i Goliat ra barisan ru saujor Israil am manggal risilo.