LUKAS 3:9 - Tanou Moonsoi Timugon

⁹ Raino mokoondo' noyo panaa' koson mantagar ra puun ru tataun suku' ra bakat nano. Moonong puun ondo' kalo mangkawa' ra moonsoi, tagaron am solobon ra apui.”

LUKAS 3:9 Iomraidhean Croise

YEHEZKIEL 31:18

“Puun tataun no tatandu' ru raja' ru Misir am mamagun nano. Kolondo' puun tataun giu' ra Idin ondo' totopot masawat am matulai. Kaa' raino, koson ra puun tataun giu' ra Idin, puun tataun no timinuun ra intok ru ulun minatoi am minayan risilo ondo' kalo makaulig ri Aki Kapuuno' am niayuk ilo ondo' minatoi ralalom ru pangayawan. Aku, Tuhan Raja' nakaindagu noyo.”

DANIL 4:14

Indagu io ra bolos matangil, ‘Tagaro' puun tataun no, am putulo' raan-raan no. Tutuo' raun no am patiaso' kawa' no. Pagiruo' bibiag ra saau no am susuit ondo' nanabunsut ra raan no.

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

MATIUS 7:19

Puun ondo' kalo manangkawa' ra moonsoi tagaron am suruin.

LUKAS 13:6

Tunungo' boo ri Jisus abig ragitio risilo, “Mokoondo' sampuun ara timinuu' giu' ra umo ru anggur ru sangulun. Naguyum ulun no ra kawa' ru ara no, kaa' kolondo' natuum no.

LUKAS 13:7

Ginio ra indagu io ra ulun magalung ra umo nano, ‘Ilai', talu ngambilor aku no minatong ragiti maguyum ra kawa' ru ara ti, kaa' kolondo' natuum ku. Tagaro' ayuk! Kolondo' onong no tumuu' ra tana' ti.’

LUKAS 13:9

Amon ru mangkawa' io bilor ra sumunu' ti, moonsoi. Amon ru kalo, bagu tagaron mu.’ ”

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

IBRANI 10:28

Ra galing i, osoi ayuk kalo giminagaya' ra Ukum ri Musa am mokoondo' ruo kapoam talu ngaulun sasi' ra makasala io, ulun no pinatoi ra kalo asiin.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.