LUKAS 3:38 - Tanou Moonsoi Timugon

³⁸ I Kinan anak ri Inos, i Inos anak ri Sit, i Sit anak ri Adam am i Adam anak ri Aki Kapuuno'.

LUKAS 3:38 Iomraidhean Croise

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 4:25

I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit.

KASAUKAN 4:26

I Sit makaanak ungkuyon ondo' ininggalanan ri Inos. Paat ragitio noyo ulun tumalimpuun manabit ra inggalan ru Tuhan paat ra ilo sumamba.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

LUKAS 3:37

I Lamik anak ri Mitusila, i Mitusila anak ri Ginok, i Ginok anak ri Jarid, i Jarid anak ri Magalaliil am i Magalaliil anak ri Kinan.

LUKAS 4:1

Paat ri Jisus minuli' intor ra Sungoi Jordan, kinuasa' Io toojo ru Ambiluo ri Aki Kapuuno' am inibit Io ru Ambiluo ri Aki Kapuuno' no giu' ra tana' kaagisan.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

1 KORINTUS 15:47

I Adam kasaa' binaal intor ra tana', kaa' i Adam kainduo no, intor ra suruga'.