LUKAS 3:14 - Tanou Moonsoi Timugon

¹⁴ Mokoondo' niayuk saujor nangkuot, “Ati kulaan ramon? Atan musiti' baalon mai?” Taam i Juanis, “Pai' kau pampagaau ra ruit ru osoi ayuk pana am pai' kau pangilalaa' ra ulun koson mangalap ra ruit nilo. Sama' noyo ra gaji' mino galama'!”

LUKAS 3:14 Iomraidhean Croise

KAINGKUALAN 20:16

“Pai' panimbaal ra ragu ra ulun bokon.

KAINGKUALAN 23:1

“Pai' potonowo' tanou ra magabau, am pai' indangan ra ulun ondo' makasala am mangani' ra inono' kalo motopot.

IMAMAT 19:11

“Pai' pantakou ra atan pana; pai' pamparuung ra osoi pana; pai' pagabau.

MATIUS 8:5

Paat ri Jisus nakasuku' ra pekan Kapirnaum, sangulun tingganai ru saujor Roma timinuum am makitaak Riso,

LUKAS 19:8

Kaa' bigor i Jakius am indagu ri Jisus, “Tuan, rongogo', sampiruo intor ra rapu' kuno tatayaron ku ra ulun musikin, am ondo' rinuung kuli pana, pasagulion ku poyo saboi inggapat suang no!”

LUKAS 3:10

Pangkuot ulun masuang ri Juanis, “Amon ru koson poyo raginio, atan kia musiti' baalon mai?”

LUKAS 3:13

Taam i Juanis, “Pai' min kologoo' cukai no intor ra ondo' inaru' no.”

RINALATAN 10:7

Pakaugar ayuk malaikat ondo' minindagu riso i, piawo' no ruo ngaulun ulipon nali am sangulun saujor ondo' mangampin riso. Io poyo sangulun ondo' sumamba ri Aki Kapuuno'.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

PILIPI 4:11

Pai' ru rinagu ku gitio sabap ra nailusan aku: sabap ra naubas aku no ra atan ayuk.

TITUS 2:3

Ragui' niayuk ruandu' matutuo rati ra tumanda' ilo sumugut ra tiluan ru sangulun ondo' mapasau. Kalo noyo mansunur ra bokon kapoam gagaukon, kaa' makapangila' poyo ra moonsoi,

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.