LUKAS 24:4 - Tanou Moonsoi Timugon

⁴ Liliwa' ilo minigor ra giu' i am nangimuag mampaguang raginio, pulusat ru ruo ngaulun ungkuyon nambayang ra mapulak manguliat mininggaar risilo.

LUKAS 24:4 Iomraidhean Croise

KASAUKAN 18:2

Tungar io am kakito no mokoondo' talu ngaulun ungkuyon minigor ra tuma' nano. Kakito no ilo, pasimbul io ongoi tuum risilo. Kubu io boo,

MARKUS 16:5

Umpos ilo ra lobong i. Ralalom i tampilon ra pamiris, nakito nilo mokoondo' sangulun ungkuyon mamulok nanturung, nambayang ra sukub ondo' mapulak, ginio ra ilo nakatigog.

LUKAS 2:9

Pulusat ru malaikat ru Tuhan i risilo am kasinda ilo ru kinatulai ru Tuhan. Nalaa' ilo kaga'.

LUKAS 24:5

Sabap ra nangalaa' toojo kubu ruandu'-ruandu' ra tana'. Kaa' indagu boo ruo ngaulun i risilo, konilo, “Kua guat uyumo' min ulun ondo' maayag ra intok ru ulun minatoi?

RINALATAN 1:10

Paat ra ilo lakat ayuk poyo nantingaa' ra rasawat, liliwa' i Jisus kinayang, pulusat ru ruo ngaulun nambayang ra mapulak minigor umbir risilo.

RINALATAN 12:7

Paat ragili niayuk, pulusat boo sangulun malaikat ru Tuhan bigor ra giu' i am sinilau lamin i. Bigogo' ru malaikat i limbawo ri Pitrus ti saboi nakarat am indagu riso, “Ribaki', sukal no'!” Paat ragili niayuk nabugal boo rantai ru kalindu' ri Pitrus i.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.