LUKAS 24:39 - Tanou Moonsoi Timugon

³⁹ Ilai' min palar ru kalindu' am kalayam Kutu, am ilai' min Aku galama' gitio! Kombongo' min Aku am ilai', sabap ra ambiluo kolondo' kual am bungul, kaa' Aku mokoondo'.”

LUKAS 24:39 Iomraidhean Croise

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

LUKAS 24:38

Kaa' pangkuot Io risilo, “Kua guat kalaa' am kaimamang kau?

LUKAS 24:40

Karagu ri Jisus kon raginio am patalango' No boo palar ru kalindu' am kalayam Nano risilo.

JUANIS 20:20

Karagu No ginio, patalango' No kalindu' am tiagang Nano risilo. Naansukan ilo kaga' nagilong ra Tuhan.

JUANIS 20:25

Ginio ra pambala' ilo ri Tomas, “Nakakito akai no ra Tuhan.” Kaa' taam i Tomas, “Kalo mangintopot aku amon ru kalo makito ku babaya' ru paku' ra kalindu' Nali am niayuk amon ru kalo makama' ku pilat ru kalindu' am tiagang Nali.”

JUANIS 20:27

Indagu Io boo ri Tomas, “Ilai' noyo kalindu' Kutu am kamaa'! Pakamaa' poyo kalindu' muno ra tiagang Kutu. Sala' ka pagantangan, kaa' pangintopot ayuk!”

RINALATAN 1:3

Kopongo ra pinatayan Nali, ra buoi apat ngoopor ngoorou i, ingkukula' Io minintalang risilo am niayuk nampaintopot risilo ra Io totopot naayag. Nakakito ilo Riso, am nakimansunur Io risilo intor ra Pamarintaan ri Aki Kapuuno'.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.

1 JUANIS 1:1

Manulis akai ramuyun intor ra Ragu ru Tuhan ondo' mangani' ra kaayagan. Ragu ru Tuhan mokoondo' noyo intor ra talimpuun i. Norongog am nakito mai noyo galama' am naguut ru kalindu' mai.