LUKAS 24:32 - Tanou Moonsoi Timugon

³² Pagigindagu ilo, “Ka kia mabunduk guang to ra Io minindagu rito ra pangkiralanan tani, am nambala' rito ra tinulisan ra Buuk Kitab?”

LUKAS 24:32 Iomraidhean Croise

MAZMUR 104:34

Gama' ru rimbai kuno mapabansuk ra guang Nano, sabap ra Io noyo napakaansuk ra guang kuno.

MAZMUR 39:3

Kalinuos kuno ayuk mangindangan, kolondo' sanganu pana ragu, kabalu' pana baal ra moonsoi. Kaa' imbolo' kuno rumuang bagat no,

AMSAL 27:17

Koson ra basi' asaan ra basi', ginio niayuk ra ulun migigila' ra rondo' am bokon.

AMSAL 27:9

Umau ra maamis owou makaansuk ra guang, kaa' kapaganan makaimamang.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

JIRIMIA 20:9

Kaa' paat ra aku mindagu, “Polosoon aku makalilian ra Tuhan, marara' aku boo mindagu ralalom ru inggalan Nano,” tanou Muno pana koson ra apui ondo' mapaang ralalom ru guang. Kinamin ku oroto', kaa' kalo boo magula' ku.

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

MARKUS 4:34

Ondo' nangilaan Nano ra ulun masuang abig ayuk, kaa' paat ilo-ilo ayuk, nambala' Io toojo ra maamaya' Nano ra arati' nano.

LUKAS 24:45

Kopongo ragili, nampaintutun Io risilo ra atan kon ru Buuk Kitab,

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.