LUKAS 24:30 - Tanou Moonsoi Timugon

³⁰ Panturung Io gulung risilo, alapo' No ruti' i am paringkuanang Io ri Aki Kapuuno', am pipilango' No, am tatayaro' No risilo.

LUKAS 24:30 Iomraidhean Croise

MATIUS 14:19

Io pana nanusub boo ra ulun masuang no mantuturung ra sakot no. Alapo' ri Jisus limo ngampila' ruti' am ruo ngaunor papait no. Pantingaa' Io ra limbowon am paringkuanang Io ri Aki Kapuuno'. Io pana namimilang boo ra ruti' no am pataaki' No ra maamaya'-maamaya' Nano am tatayaro' nilo ra ulun masuang no.

MATIUS 15:36

Alapo' No tulu' ngampila' ruti' am papait no, am indagu ra paringkuanangan ri Aki Kapuuno', am tatayaro' boo akanon no am pataako' No ra maamaya'-maamaya' Nano, am tatayaro' ru maamaya' Nano ra ulun masuang no.

MATIUS 26:26

Tatanga' ilo nangakan, alapo' ri Jisus sampila' ruti' am pakiasi' ra paringkuanangan, am pipilango' No ruti' i. Tatayaro' No ra maamaya'-maamaya' Nano am indagu, “Alapo' am akano', gitio noyo inan Kutu.”

MARKUS 14:22

Paat ri Jisus am maamaya' Nali magagakan, alapo' ri Jisus ruti' am indagu Io paringkuanangan ri Aki Kapuuno'. Pipilango' No boo am taaki' No risilo, indagu Io, “Alapo' noyo, gitio noyo inan Kutu.”

MARKUS 6:41

Kaalap No limo ngampila' ruti' am ruo ngaunor papait no, pantingaa' Io ra rasawat am paringkuanang Io ri Aki Kapuuno'. Pipilango' No boo ruti' no am pataaki' No ra maamaya' Nano koson posonongon nilo ra ulun masuang. Koson niayuk ra ruo ngaunor papait no taatayaro' No ra ngaangai' ulun i.

MARKUS 8:6

Susubo' No ulun masuang no mantuturung ra tana'. Alapo' No boo ruti' tulu' ngampila' no paringkuanang Io ri Aki Kapuuno', pipilango' No am patayari' ra maamaya' Nano ra ulun masuang no. Binaal ru maamaya'-maamaya' Nano kon raginio.

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

LUKAS 24:29

Kaa' ingai' nilo Io, konilo, “Pombolong ayuk ragiti sabap ra mamai' noyo nai am lumondom galing noyo.” Ginio ra apit i Jisus am umpos ra intok nilai.

LUKAS 24:35

Tunungo' boo ru ruo ngaulun i atan ondo' nasauk ralalom pangkiralanan nilai am ati kulaan ilo nakaulig ra Tuhan ra Io namilang ra ruti' i.

LUKAS 9:16

Alapo' ri Jisus limo ngampila' ruti' am ruo ngaunor papait i. Pantingaa' Io ra limbowon am paringkuanang ri Aki Kapuuno'. Pipilango' No ruti' am papait no am pataaki' ra maamaya' Nano koson tatayaron ra ulun-ulun no.

JUANIS 6:11

Alapo' ri Jisus ruti' i, am paringkuanang Io ri Aki Kapuuno' am tatayaro' No ra ulun masuang ondo' nantuturung i. Papait i pana binaal No koson raginii, am ngaangai' ulun i nangakan saboi nangaasug ilo.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 27:35

Pakaindagu raginio, alapo' ri Paulus ruti' am paringkuanang ri Aki Kapuuno' ra saang nilai. Pipilango' no am pangakan io.