LUKAS 23:4 - Tanou Moonsoi Timugon

⁴ Indagu i Pilatus ra tingganai imam Jaudi am ulun masuang no, “Kolondo' sala ru ulun ti naalap ku koson mangukum Riso.”

LUKAS 23:4 Iomraidhean Croise

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MARKUS 15:14

Pangkuot poyo i Pilatus, “Kaa' atan kalaatan Nati?” Kosongowo' nilo poyo golok nilai, “Salipo' Io!”

LUKAS 23:22

Indagu i Pilatus risilo ra kaintalu, “Kaa' atan guat sala Nati? Kolondo' sala natuum kuno ondo' binaal ru ulun ti saboi sama' Io ukumin ra potoyon. Loposon Io ayuk am palabuson ku boo.”

JUANIS 18:38

Pangkuot i Pilatus Riso, “Atan nua' katapatan?” Pakapangkuot i Pilatus raginio, ingkual io poyo am indagu ra ulun-ulun ru Jaudi no, “Kolondo' rondo' pana sala natuum ku ra ulun ti.

RINALATAN 25:25

Kaa' kolondo' natuum kuno ra atan ayuk kasalaan nano ra io maalap kaukum ra potoyon. Io galama' nangitaak makibisara' io ri Kaisar, ginio ra pootoron ku io ra Kaisar.

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.