LUKAS 23:35 - Tanou Moonsoi Timugon

³⁵ Ulun masuang ondo' soroi ra giu' i nonontong ayuk, liliwa' tingganai ru ulun ru Jaudi nangiis Riso, konilo, “Namayag Io ra ulun bokon, kaa' amon ru motopot ra Io no Mamamayag ondo' sinusub ri Aki Kapuuno', polosoon Io mibayag galama'!”

LUKAS 23:35 Iomraidhean Croise

MAZMUR 22:17

Santimungan ulun mangalaat liminiput raki'; koson ra santimungan uku', liminibung raki'; kumokot ilo ra longon am niayuk kalayam kuno.

MAZMUR 35:15

Kaa' paat ra aku makakapaganan, maansukan ilo ngaangai' am libungin aku liliwa' nilo magasab raki'; ulun ondo' kalo nauligan kuno rayusin no lamba' no raki'.

MAZMUR 4:2

Taamo' noyo amon mampiau aku, iou Aki Kapuuno', Manungka' raki'! Paat ra aku makakapaganan ra galing i, matong Kou mangindangan raki'. Raino pakaasi' no raki', am rongogo' pakiasian kuno!

MAZMUR 69:26

Polosoon noyo pangkiman nilono masiluk, polosoon noyo ngaangai' minayan ra kim no mapuso.

MAZMUR 71:11

Mindagu ilo, “Nanatang i Aki Kapuuno' no riso; ilowo' takau am rokopon io, sabap ra kolondo' osoi-osoi pana mamayag riso!”

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

SULABOI 3:14

Ulun makakurit raki' ra monsongorou; aku sinauk ra pangiisan.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 23:13

Piawo' ri Pilatus ngaangai' tingganai imam Jaudi, tingganai ru ulun ru Jaudi am ulun masuang.

LUKAS 23:39

Sangulun intor ra ruo ngaulun sinalip i pana nagasab toojo ri Jisus, kono, “Sala' ka kia Okou no Mamamayag ondo' sinusub ri Aki Kapuuno'? Ibayag no galama' am bayago' akai ruo poyo!”

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.