LUKAS 23:33 - Tanou Moonsoi Timugon

³³ Pakasuku' ilo ra rondo' intok ondo' piawon ra “Kuapak”, salipo' nilo i Jisus ra giu' i nababaya' ra ruo ngaulun malaat i, sangulun i tampilon ra pamiris am sangulun i poyo tampilon ra kait.

LUKAS 23:33 Iomraidhean Croise

MAZMUR 22:16

Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

LUKAS 24:7

Kon Nano, ‘Anak ru Ulun pataakon ra kuasa' ru ulun makatula, salipon am malupus kataluan maayag Io saguli'.’ ”

JUANIS 18:32

Gitio nasauk koson nasugut boo ragu ri Jisus ra ati kulaan patayan Nano.)

JUANIS 3:14

Koson kukuo gangsa' pinainsawat ra tataun ri nabi Musa giu' ra tana' kaagisan, nogondo' niayuk ra Anak ru Ulun musiti' painsawaton koson raginio.

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.