LUKAS 23:14 - Tanou Moonsoi Timugon

¹⁴ Indagu io risilo, “Pinauma' min ulun ti raki' am nambala' kau ra nampakalayau Io ra ulun masuang. Kaa' inilayan ku Io no toojo ra saang min, am kolondo' sala natuum kuno koson ra nanguwan min Riso i.

LUKAS 23:14 Iomraidhean Croise

DANIL 6:4

Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MATIUS 27:24

Kalimani' ri Pilatus ra kolondo' onong io mingkotog mambaal raginio am ra ulun masuang maaru' lumunsai, alapo' no timug am bagui' no kalindu' nano am indagu, “Kolondo' tayar ku ra pinatayan Nano, akau ayuk ra kandoi.”

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

RINALATAN 13:28

Kabalu' pana kolondo' natuum nilo ra atan ayuk sasaban koson ra Io ukumin ra potoyon, kaa' kitaako' nilo niayuk ri Pilatus ra io ti potoyon.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.