LUKAS 23:11 - Tanou Moonsoi Timugon

¹¹ Iniis am inasaban Io ri Irodis am saujor-saujor nano. Pambayango' nilo Io ra sukub moonsoi ru raja' am paatari' no saguli' ri Pilatus.

LUKAS 23:11 Iomraidhean Croise

MAZMUR 22:6

Mampiau ilo Rirun am painggaluron Mu ilo intor ra makalalaa' no; mangintopot ilo Rirun am kalo pansagulian guang nilono.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

MATIUS 14:1

Paat ragili niayuk raja' Irodis, gabenor ru libung Galilia, nokorongog ra tanou ri Jisus.

MATIUS 14:3

Kukula' buoi ra nakasail i, maya' ra susuban ru raja' Irodis, i Juanis Mampariu' ti rinakop. Bangkilo' io am pasubolo' ra pangaputan. Binaal ru raja' Irodis koson raginio maya' ra kasagaan ri Irodias, andu' ri Pilipus, pongkotob ru raja' Irodis.

MATIUS 14:6

Paat ra pangiantakan orou naganakan ri Irodis, anak ruandu' ri Irodias nansayau ra saang ru tambului-tambului no. Tinuyang-tuyang ri raja' Irodis lumaai riso,

MARKUS 9:12

Taam i Jisus, “Topot, i Ilia matong pagulu koson momongo ra ngaangai' no, kaa' ati kulaan ra Anak ru Ulun? Nogondo' ra tinulisan ralalom ru Buuk Kitab ra Io imboloon am anggalon ru ulun.

LUKAS 23:10

Tingganai imam Jaudi am mangingila' ra Ukum ri Musa no mininggaar am maagat panguwan nilo ri Jisus.

JUANIS 19:5

Ingkual boo i Jisus, pinangkaraun ra bulisang makaruui am pinambayang ra sukub matanggilung. Indagu i Pilatus risilo, “Ilai' noyo ulun ti!”

JAKUBUS 2:2

Amon ru sangulun langkaya' nanasinsing ra mas am nambayang ra moonsoi kaga' sumaang ra pantimungan mino, am poyo sangulun musikin nambayang ra malaat niayuk sumaang,

JAKUBUS 2:3

am urumaton min boo ulun nambayang ra moonsoi no, ragu min riso, “Tuan, umpos ayuk am giti ra intok moonsoi ti panturungan muno.” Kaa' ragu min ra ulun musikin ti, “Bigor ayuk ra giu' no,” kapoam, “Panturung kou ayuk ra sulig ti, tuma' ru kalayam kutu.”