LUKAS 22:66 - Tanou Moonsoi Timugon

⁶⁶ Io suabon, tingganai ru ulun ru Jaudi, tingganai imam Jaudi am mangingila' ra ukum ri Musa no timinimung ra Majlis Ugama, am paumaa' boo i Jisus risilo.

LUKAS 22:66 Iomraidhean Croise

MATIUS 27:1

Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”