LUKAS 22:42 - Tanou Moonsoi Timugon

⁴² “Ama', amon ru masaga' Kou, painggaluro' noyo sangkir kaimbalaan ti intor Raki'. Kaa' sala' ka sumugut ra kasagaan Kuno, kaa' kasagaan Muno ayuk saukon.”

LUKAS 22:42 Iomraidhean Croise

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JIRIMIA 25:15

Tuhan, i Aki Kapuuno' ru Israil minindagu raki', “Gitio noyo sangkir ru wain ondo' sinuangan ra sangit Kuno. Ibito' sangkir ti ra ngaangai' bansa', am susubo' ilo manginum intor ra sangkir ti. Susubon Tokou mongoi risilo.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 11:26

Iou Ama', gitio pinili' am kasagaan Muno galama'.

MATIUS 20:22

Indagu i Jisus risilo, “Akau kalo nakapandai ra atan kinitaak mino. Makakau' kau kia manginum ra sangkir kaimbalaan ondo' maaru' inumon Ku?” Taam ilo, “Makakau' akai.”

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

MATIUS 26:42

Saguli' poyo i Jisus ongoi pakiasi', “O Ama', amon ru sangkir kaimbalaan ti kalo maalap ra inggalur, polosoo' Aku manginum no maya' ra kasagaan Muno Ama'.”

MATIUS 26:44

Igondo' poyo i Jisus mininggalur risilo am ongoi pakiasi' poyo ra kaintalu am nogondo' ayuk pakiasian no ra pagulu ni.

MATIUS 6:10

Gama' ru Okou mamarinta saboi kasagaan Muno saukon ra tana' ti mogondo' giu' ra suruga'.

MARKUS 14:36

Indagu Io, “Ama', O Ama'! Kolondo' rondo' pana ondo' kalo mabaal Muno. Painggaluro' noyo sangkir kaimbalaan ti intor Raki', kaa' pai' noyo gagayaa' kasagaan Kutu, kaa' kasagaan Muno ayuk.”

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

JUANIS 18:11

Kaa' indagu boo i Jisus ri Pitrus, “Paangkapo' ilang muno! Musiti' Aku manginum ra sangkir kaimbalaan ondo' inaru' noyo ri Ama' Raki'.”

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

RINALATAN 21:14

Kaa' kalo noyo lair makapanginga' akai riso. Ginio ra indagu akai, kamai, “Gama' ru atan masauk riso sumugut kasagaan ru Tuhan.”