LUKAS 22:34 - Tanou Moonsoi Timugon

³⁴ Indagu i Jisus, “Pitrus, balain tokou; ra kalo poyo maningkuluuk manuk tandaa' no rondom raiti', intalu kono magali' ra nakaulig kou Raki'.”

LUKAS 22:34 Iomraidhean Croise

MATIUS 26:34

Indagu i Jisus riso, “Ilalai', kalo poyo maningkuluuk manuk tandaa' no ra rondom raiti', intalu kono pagali' ra kalo nakaulig Raki'.”

MATIUS 26:74

Pagigibot boo i Pitrus am kono, “Kalo nauligan ku ulun no. Amon ru topot aku po nakaulig ra ulun ti, kaluus aku no!” Paat raginio niayuk naningkuluuk manuk tandaa' no.

MARKUS 14:30

Kon ri Jisus, “Balain tokou: Rondom ra raiti' niayuk, ra kalo poyo minduo paningkuluuk manuk tandaa' no, intalu kou no pagali' ra okou kalo nakaulig Raki'.”

LUKAS 22:33

Taam i Pitrus, “Tuhan, aputon kapoam matoi marumar Rirun pana, nakatampos aku noyo!”

LUKAS 22:35

Pangkuot boo i Jisus risilo, “Ra Aku nanusub ramuyun ragili am kalo pinagibit ra rumpit, kantungan kapoam kasut, makakapaganan kau kia?” Taam ilo, “Kolondo' rondo' pana!”

LUKAS 22:61

Pangkaili am ponontong Tuhan ri Pitrus. Kakara' boo ri Pitrus ragu ru Tuhan i riso, “Ra kalo poyo maningkuluuk manuk tandaa' no rondom raiti', intalu kono magali' ra okou makaulig Raki'.”

JUANIS 13:38

Taam i Jisus riso, “Totopot kia mampataak kou ra painawo muno koson Aku? Balain tokou toojo: Kalo poyo maningkuluuk manuk tandaa' no, intalu kono magali' ra makaulig kou Raki'!”

JUANIS 18:27

Kaa' igondo' poyo i Pitrus nagali' am paat ragili niayuk naningkuluuk manuk tandaa' i.