LUKAS 22:18 - Tanou Moonsoi Timugon

¹⁸ Balain takamin: Intor raino kalo boo manginum Aku ra wain ti saboi i Aki Kapuuno' mamarinta ra ngaangai'.”

LUKAS 22:18 Iomraidhean Croise

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

JAKARIA 9:15

Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

MATIUS 26:29

Balain takamin: Kalo boo manginum Aku ra wain ti saboi ra orou i Ama' tumalimpuun mamarinta am paat raginio bagu manginum Aku ra wain baguon mabaya' ramuyun.”

MARKUS 14:23

Kopongo ragili, alapo' No sangkir am indagu Io ra paringkuanangan ri Aki Kapuuno'. Taaki' No boo risilo, am ngaangai' nilo nanginum intor ra sangkir no.

MARKUS 14:25

Balain takamin: Sotopot no kalo boo manginum Aku ra anggur saboi Aku manginum saguli' ra anggur baguon giu' ra Tana' Bagu ri Aki Kapuuno'.”

MARKUS 15:23

Giu' i, mangani' ilo Riso ra anggur naratok ra mur, kaa' kalo masaga' i Jisus manginum.

MARKUS 9:1

Indagu poyo Io risilo, “Balain takamin, sotopot no mokoondo' poyo ulun ragiti kalo matoi saboi ra makakito ilo ri Aki Kapuuno' mamarinta am makakuasa'.”

LUKAS 21:31

Koson niayuk ra amon ru makito min tatandu' ragitio masauk, mapandayan min mamaar noyo i Aki Kapuuno' mamarinta.

LUKAS 22:16

Balain takamin: Kalo boo mangakan Aku ra pagakanan ragitio saboi ra arati' nati pabalaan giu' ra Tana' Bagu ri Aki Kapuuno'.”

LUKAS 9:27

Balain takamin ra mokoondo' niayuk ulun ragiti ondo' kalo matoi saboi makakito ilo ati kulaan i Aki Kapuuno' mamarinta.”

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

TINGGANAI RU BANSA' 9:13

Kaa' taam puun ru anggur no, ‘Kalo malanggaan ku manangampos ra wain ondo' mapabansuk ra guang ru dewa am ulun, koson mamarinta ayuk toojo ramuyun.’