LUKAS 22:17 - Tanou Moonsoi Timugon

¹⁷ Kopongo ragili alapo' boo ri Jisus sangkir, paringkuanang Io ri Aki Kapuuno', am indagu, “Alapo' min gitio, am sonongo' min tatayaro'.

LUKAS 22:17 Iomraidhean Croise

MAZMUR 116:13

Pataakon kuno wain koson ra taak kuno ra Tuhan, koson paringkuanangan kuno Riso sabap ra Io namayag raki'.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

MATIUS 14:19

Io pana nanusub boo ra ulun masuang no mantuturung ra sakot no. Alapo' ri Jisus limo ngampila' ruti' am ruo ngaunor papait no. Pantingaa' Io ra limbowon am paringkuanang Io ri Aki Kapuuno'. Io pana namimilang boo ra ruti' no am pataaki' No ra maamaya'-maamaya' Nano am tatayaro' nilo ra ulun masuang no.

MATIUS 15:36

Alapo' No tulu' ngampila' ruti' am papait no, am indagu ra paringkuanangan ri Aki Kapuuno', am tatayaro' boo akanon no am pataako' No ra maamaya'-maamaya' Nano, am tatayaro' ru maamaya' Nano ra ulun masuang no.

MATIUS 26:26

Tatanga' ilo nangakan, alapo' ri Jisus sampila' ruti' am pakiasi' ra paringkuanangan, am pipilango' No ruti' i. Tatayaro' No ra maamaya'-maamaya' Nano am indagu, “Alapo' am akano', gitio noyo inan Kutu.”

MARKUS 14:22

Paat ri Jisus am maamaya' Nali magagakan, alapo' ri Jisus ruti' am indagu Io paringkuanangan ri Aki Kapuuno'. Pipilango' No boo am taaki' No risilo, indagu Io, “Alapo' noyo, gitio noyo inan Kutu.”

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

LUKAS 9:16

Alapo' ri Jisus limo ngampila' ruti' am ruo ngaunor papait i. Pantingaa' Io ra limbowon am paringkuanang ri Aki Kapuuno'. Pipilango' No ruti' am papait no am pataaki' ra maamaya' Nano koson tatayaron ra ulun-ulun no.

ROMA 14:6

Osoi ayuk mampakaatang ra orou inaru' no, baalon no ginio koson mangurumat ra Tuhan. Osoi ayuk makaakan ra atan-atan ayuk, baalon no ginio koson mangurumat ra Tuhan, sabap ra maringkuanang io ri Aki Kapuuno' ra nangani' ra akanon. Osoi ayuk kalo mangakan ra kual, mangurumat io niayuk ra Tuhan am maringkuanang io ri Aki Kapuuno'.

1 KORINTUS 10:16

Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

1 KORINTUS 11:23

Sabap ra pangilaan ondo' pinasaboi ku ramuyun i, naapu ku intor ra Tuhan; ioginio paat ra rondom Tuhan Jisus pinataak ra pantula' Nano, alapo' No ruti',

SAGULION 8:10

Makaalap kau ra ngaangai' ondo' moogot min akanon, am maringkuanang kau ra Tuhan i Aki Kapuuno' min tayar ru tana' malabung ondo' taakin Nano ramuyun.”