LUKAS 21:8 - Tanou Moonsoi Timugon

⁸ Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

LUKAS 21:8 Iomraidhean Croise

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

MATIUS 24:11

Masuang migiangku ra nabi matong am mamparuung ra ulun masuang.

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 4:17

Intor ragili timinalimpuun i Jisus mampabala' ra Tanou Moonsoi, kon Nano, “Talikur kano intor ra tula mino, sabap ra mamaar noyo i Aki Kapuuno' mamarinta!”

LUKAS 17:23

Mokoondo' mindagu ramuyun, ‘Ilai', giu' io no!’ kapoam ‘Ilai', giti io no!’ Pai' kau pagibaya'.

LUKAS 21:7

Kuati' nilo i Jisus, “Mangingila', sanggilan kasaukan ru ginio? Atan kia tatandu' nano ra io masauk?”

LUKAS 21:9

Pai' kau pakatigog amon ru maining min tanou ru pangayawan am ulun manggal ra parinta. Baal koson ragitio maaru' masauk galing, kaa' gitio sala' ka arati' no ra nasuku' noyo pupus ru tana' ti.”

JUANIS 5:43

Aku minatong nabaya' ra kuasa' ru Ama' Kuno, kaa' kalo inapu min Aku. Kaa' amon ru mokoondo' poyo ulun ra bokon matong ramuyun mabaya' ra kuasa' nano galama', io apuon min.

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

JUANIS 8:28

Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.

PINAINTALANG 1:3

Pakaansuk noyo osoi ondo' mambasa' am mangkirongog ra tanou pinaintalang ti am niayuk gumagaya' ra atan ondo' tinulisan ragitio. Sabap ra kalo boo mabuoi ngaangai' baal ragitio masauk.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.