31 Koson niayuk ra amon ru makito min tatandu' ragitio masauk, mapandayan min mamaar noyo i Aki Kapuuno' mamarinta.
“Talikur kano intor ra tula mino sabap ra mamaar noyo i Aki Kapuuno' mamarinta!”
Karaa' min! Ngaangai' ragitio masauk ra kalo poyo matoi ngaangai' ulun ondo' maayag ra raino ti.
Sabap ra mokoondo' tinulisan noyo ra Buuk Kitab: “Kalo boo mabuoi am sumuku' Io; kalo kabuoyon No ratangan Nano.
Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.
Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.