LUKAS 21:21 - Tanou Moonsoi Timugon

²¹ Paat raginio, ulun ru Judia musiti' magiru' giu' ra kabuluran; ondo' soroi ra bandar musiti' mangiruan ra bandar no, am ondo' giu' ra lisar ru bandar pana, pai' no subol saguli'.

LUKAS 21:21 Iomraidhean Croise

KASAUKAN 19:17

Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”

KASAUKAN 19:26

Kaa' pangkaili andu' ri Lot ra tinaulian am kaangun io boo ra lugu' ru usi'.

AMSAL 22:3

Ulun mapintar miliu ra makalalaa' amon ru makito no, kaa' ulun budu polosoon no inan nano malumpa' ru karaat am pansagulian guang nano ra tauli no.

JIRIMIA 35:11

Kaa' paat ra Raja' Nibukadnijar namulunsar ra pagun ragitio, namatas akai koson matong ra Jirusalim maa' raginio magiru' intor ra saujor ru Babilonia am Siria. Ginio sabap ra akai minayan ra Jirusalim.”

JIRIMIA 37:12

Ginio ra iniruanan ku Jirusalim am minongoi ra wilayah Binjamin koson mangapu ra tinungkus kuno intor ra matuo kuno.

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

UNTABAN 16:26

Indagu i Musa ra ngaangai' ulun ru Israil ra giu' no, “Inggaluri' kim ru ngaangai' ulun ondo' malaat ti am pai' kambong ra atan pana longgom nilo. Amon ru kalo sumugut kau, matoi kau mabaya' risilo sabap ra ngaangai' tula nilono.”

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

MATIUS 24:16

Osoi ayuk pana soroi ra Judia musiti' magiru' ra kabuluran.

MARKUS 13:15

Ulun ondo' soroi ra rasawat ru baloi, kalo pana tumuun mangalap ra atan-atan kuliamos intor ra baloi.

PINAINTALANG 18:4

Kopongo raginio, korongog ku poyo bolos ra bokon intor ra suruga', kono, “Ulun mangintopot Raki', ingkual no intor ra bandar Babil no. Pai' kano baya' ra tula nilo am pai' baya' risilo ra maukuman poyo.