LUKAS 21:1 - Tanou Moonsoi Timugon

¹ Pampulolou i Jisus am kakito No ulun-ulun langkaya' mampasuang ra taak nilai ra kaban panimungan ra ruit giu' ra Baloi Tuhan.

LUKAS 21:1 Iomraidhean Croise

1 RAJA'-RAJA' 14:26

Nampagaau Raja' Sisak ra ngaangai' rapu' giu' ra Baloi ru Tuhan am giu' ra istana, nakaaya' perisai-perisai mas ondo' binaal ru Raja' Salomo.

2 RAJA'-RAJA' 12:9

Kopongo raginio pangalap i Joyada rondo' kaban am luangi' no tataub no, am pabantaa' ra sapapa' ru altar, giu' ra tampilon pamiris ru kulobon umpasan ra Baloi ru Tuhan. Imam-imam ondo' mangandoi ra kulobon no mampasubol ra ngaangai' ruit pataakon ondo' apuon intor ra ulun masuang ra ralalom ru kaban no.

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

2 TUNUNG RU BANSA' ISRAIL 36:18

Kuliamos-kuliamos ra Baloi ru Tuhan am kuliamos-kuliamos mologo ondo' soroi ra giu' no, rapu' ru raja' am pagawai-pagawai nano, ginaau ru raja' Babilonia, am inibit ra Babil.

NIGIMIA 13:13

Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.

MATIUS 27:6

Anamo' ru tingganai-tingganai imam Jaudi ruit no am indagu, “Ruit ragitio alig ru raraa'. Sumugut ra Ukum ri Musa ruit ragitio kalo moonsoi pasubolon ra ralalom kaban panimungan ra ruit ru Baloi Tuhan takau ti.”

LUKAS 20:47

Mamparuung ilo ra napuor koson talingaawon nilo baloi nilai, kaa' giu' ra saang ru ulun, mabuoi ilo rokokoon makiasi'! Mulu' poyo bagat ru ukuman nilo ra maagu no.”

JUANIS 8:20

Ngaangai' ti rinagu ri Jisus paat ra Io nangila' giu' ra Baloi Tuhan, maar ra kaban papataakan no. Kaa' kolondo' sangulun pana namparakop Riso, sabap ra kalo poyo nasuku' orou Nano.

JOSUA 6:19

Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”

JOSUA 6:24

Bagu solobo' nilo bandar no am ngaangai' ondo' soroi ra giu' no saboi mapuso, ondo' ayuk am kuliamos ondo' binaal intor ra mas, pirok, gangsa' am basi'. Nangalap ilo ngaangai' ra kuliamos raginio am inibit ra intok pambulian ra rapu' ru Tuhan.