LUKAS 20:47 - Tanou Moonsoi Timugon

⁴⁷ Mamparuung ilo ra napuor koson talingaawon nilo baloi nilai, kaa' giu' ra saang ru ulun, mabuoi ilo rokokoon makiasi'! Mulu' poyo bagat ru ukuman nilo ra maagu no.”

LUKAS 20:47 Iomraidhean Croise

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

MIKA 2:8

Taam Tuhan, “Namulunsar kau ra ulun Kuno ra ilo ti ilain koson ra pantula'. Ungkuyon ondo' minuli' intor ra pangayawan am indoson nilo ti maayag giu' ra baloi. Kaa' akau maginaa koson mantakou ra sukub ondo' pinakai nilo.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 23:14

Aibui boo ramuyun, mangingila' ra Ukum ri Musa am ulun ru Parisi. Maabau-abau kau! Mamparuung kau ra napuor-napuor am manalingau ra baloi nilono, am makiasi' ra mangaawar koson makiilong ra ulun. Ginio ra akau ukumin ra maagat kaga'.]

MARKUS 12:40

Mamparuung ilo ra napuor-napuor am manalingaau ra baloi nilono. Koson mangampin boo ra kalaatan ru inggalan malaat nilono, kaawaron nilo makiasi'. Ukum taakin risilo ra maagu no makalalaa'.”

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 20:46

“Ilalai' min mangingila' ra Ukum ri Musa. Masaga' ilo mugar am mambayang ra sukub moonsoi am makikiilong ra ulun giu' ra pasar. Manturung ilo ra panturungan pinabatang ra saang ra baloi sambayangan am giu' ra bunsag.

LUKAS 21:1

Pampulolou i Jisus am kakito No ulun-ulun langkaya' mampasuang ra taak nilai ra kaban panimungan ra ruit giu' ra Baloi Tuhan.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.