LUKAS 20:23 - Tanou Moonsoi Timugon

²³ Nakarati' i Jisus ra pamaguangan malaat nilai. Indagu Io risilo,

LUKAS 20:23 Iomraidhean Croise

MAZMUR 95:9

Giu' i nangkinam ilo Raki', kabalu' pana nakakito ilo noyo ra binaal Kuno.

MATIUS 16:1

Kukula' ngaulun ru Parisi am ulun ru Saduki minatong ri Jisus. Masaga' ilo mangkinam Riso. Nakitaak ilo ri Jisus mambaal ra kaimuagan koson mampainono' ra Io minatong intor ri Aki Kapuuno'.

MATIUS 22:18

I Jisus nakapandai ra pangkaraan malaat nilono, am indagu Io, “Akau no kalo mangintopot ri Aki Kapuuno'! Kua pangkinam kau Raki'?

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

LUKAS 20:22

Balai' akai, sumugut ra Ukum ri Musa, makasala kia kapoam kalo mambayar ra cukai ra Kaisar Roma?”

LUKAS 20:24

“Ilong Aku ra ruit no. Osoi kia ra bulos am inggalan ondo' pinolokot ra ruit ti?” Taam ilo, “I Kaisar!”

LUKAS 5:22

Nakapandai i Jisus ra pamaguangan nilai, indagu Io, “Kua pampaguang kau koson raginio?

LUKAS 6:8

Kaa' napandayan ri Jisus pamaguangan nilai. Indagu Io ra ulun ondo' minatoi satata' ra longon no, “Ibok, bigor ra tatanga' ti!” Ingkakat am bigor ulun no ra giu' no.

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.