LUKAS 2:4 - Tanou Moonsoi Timugon

⁴ Pintor boo i Jusup intor ra pekan Nasarit, giu' ra libung ru Galilia, am minongoi ra rondo' pekan makainggalan ra Bitligim ra pagun ru Judia, intok i raja' Daut inanak ra galing i. Minongoi io ra giu' no sabap ra io galama' papag ri Daut.

LUKAS 2:4 Iomraidhean Croise

KASAUKAN 35:19

Kopongo i Ragil minatoi, lobongo' io ra kiing ru ralan mongoi ra Iprat, raino intok raginio mauligan ra Bitligim.

KASAUKAN 48:7

Binaal ku gitio sabap ra ina' muli i Ragil. Tatanga' pangkiralanan kuno muli' intor ra bandar Misopotamia, ina' muli minatoi ra tana' ru Kanaan ondo' kalo maalur intor ra Iprata, mangiluk kaga' guang kuno. Linobong ku io giu' ra kiing ru ralan mongoi ra bandar Iprat.” (Raino Iprat mauligan ra Bitligim.)

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 1:20

Paat ri Jusup nampaguang koson raginio naginupi io. Pulusat boo ru sangulun malaikat am indagu io ri Jusup, “O Jusup, papag ru raja' Daut, pai' no kalaa' manangandu' ri Maria ti, sabap anak nano intor ra kuasa' ru Ambiluo ri Aki Kapuuno'.

MATIUS 2:23

am mayan ra pekan Nasarit. Koson raginio nasauk ondo' rinagu ru nabi-nabi, “Io ti piawon ra ulun ru Nasarit.”

LUKAS 2:3

Paat ragili, moonong ulun mongoi ra pamagunan nilo galama' koson sumuang ra panguntaban ti.

LUKAS 2:5

Minongoi io suang ra panguntaban ti nabaya' ra tamung nano i Maria, ondo' kaayaan noyo kaga'.

LUKAS 4:16

Kopongo ragili, ongoi i Jisus ra Nasarit, intok nasukaran Nali. Paat ra orou Sabat, maya' ra kaindalaman Nano, mongoi Io ra baloi sambayangan. Bigor Io koson mambasa' ra Buuk Kitab,

JUANIS 1:46

Kaa' taam ri Natanil, “Kolondo' lair moonsoi matong intor ra Nasarit.” Indagu boo i Pilipus, “Ibok, ongoyo' ilai'.”

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”

RUT 1:19

Parampus ilo ugar polos ilo nakasuku' ra Bitligim. Pakasaboi ilo, posongonsol ngaangai' namagun ra bandar no. Indagu ruandu'-ruandu' ra giu' no, “Motopot kia ginio i Naomi?”

RUT 2:4

Kalo nabuoi raginio, i Boas galama' minatong intor ra Bitligim. Nangani' io ra ompor ra ngaangai' mangandoi nano. “Gama' ru Tuhan mabaya' ramuyun,” kono. “Gama' ru Tuhan mambarakat rirun,” konilo timinaam.

RUT 4:11

Ngaangai' tingganai ru bandar am niayuk ngaangai' ru ulun soroi ra giu' i, mindagu, “Ba iou, akai no sasi'. Gama' ru Tuhan mapasauk ra andu' muno koson ri Ragil am i Liya, ondo' naganak ra masuang anak ri Jakub. Gama' ru masauk kau langkaya' ra popolos ru bansa' ru Iprata am mauligan kaga' giu' ra Bitligim.

RUT 4:17

Ruandu'-ruandu' ondo' pasambalayan ri Naomi nanginggalan ra anak no i Obid. Mindagu ilo ra moonong ulun, “I Noami makaanak sangulun ungkuyon!” I Obid ti noyo masauk ra ama' ri Isai ra tauli no, am i Isai masauk ra ama' ri Daut.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:4

Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”

1 SAMUIL 17:12

I Daut anak ri Isai, ulun ru Iprata intor ra Bitligim giu' ra Jiuda. I Isai mokoondo' ra balu' ngaulun anak ungkuyon am paat ra pamarintaan ru Raja' Saul, i Isai ti matutuo noyo kaga'.

1 SAMUIL 17:58

Nangkuot Raja' Saul no riso, “Okou buayoi, osoi kia ra anak okou ti?” Taam i Daut, “Aku ti anak ri Isai, intor ra Bitligim.”

1 SAMUIL 20:6

Amon ru mangkuot ama' muno ra kua kalo siminaang aku, balai' io ra nakitaak aku noyo rirun koson mataki' muli' ra Bitligim, sabap ra giu' no paugaron upacara mapataak ra taak simbalui ru kabilaran ra tayar ru ngaangai' sasambaloi kuno.