LUKAS 2:37 - Tanou Moonsoi Timugon

³⁷ Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

LUKAS 2:37 Iomraidhean Croise

MAZMUR 22:2

Aki Kapuuno' kuno, iou Aki Kapuuno' kuno, Kua tatango' Mu aku? Mampiau aku Rirun kaa' lakat Kopo maalur, am kalo mangindangan raki'.

MAZMUR 23:6

Nakapandai aku ra Okou moonsoi raki' am monogom raki' saboi ra aku matoi; baloi Muno masauk ra baloi kuno buoi ru bayag kuno.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 84:10

Barakato' noyo raja' maino, iou Aki Kapuuno', raja' ra pinili' Muno.

MAZMUR 84:4

Kaa' pilit pana mambaal ra bunsut, am tuntuayan makaintok ayanan; gogol ru susuit patampakon mamaar ra altar Muno, iou Tuhan Ondo' Maayo Kaga' Kuasa', Raja' kuno am i Aki Kapuuno' kuno.

MAZMUR 92:13

Ulun mabanis guang lumangkaya' koson ra puun ru palma; maikang ilo koson ra puun ru sidar giu' ra Libanon.

KAINGKUALAN 38:8

Pambaal io rondo' bisin am antulan no intor ra saramin gangsa' ondo' tinaakan ru bala ruandu' ondo' mangandoi giu' ra kulobon umpasan ra Kim ru Tuhan.

LUKAS 5:33

Indagu kukula' ngaulun ri Jisus, “Maamaya' ri Juanis no am maamaya' ra ulun-ulun ru Parisi no masalok mampali am makiasi'. Kaa' maamaya' Muti mangakan am manginum ilo.”

RINALATAN 13:3

Kopongo ilo nampali am nakiasi', pabantaa' nilo kalindu' nilai ri Barnabas am i Saulus. Susubo' nilo ruo ngaulun i mugar.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 26:7

Bantu' ragili niayuk ondo' kalansanan ru koopor am ruo ngantayaran ru Israil, saboi orou-rondom ilo sumamba ri Aki Kapuuno'. Raja' Agripa, sabap ra kalansanan raginio noyo aku ti inuwan ru ulun ru Jaudi.

1 TIMOTIUS 5:5

Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.