LUKAS 2:27 - Tanou Moonsoi Timugon

²⁷ Inibit io ru Ambiluo ri Aki Kapuuno' sumubol ra Baloi Tuhan. Paat ragili niayuk minumpos i Jusup am i Maria nagibit ri Jisus koson mambaal ra nanusuban ru Ukum ri Musa no.

LUKAS 2:27 Iomraidhean Croise

JIRIMIA 32:11

Kopongo raginio inalap ku surat pambalian no, ondo' sinaapan am mokoondo' ra bantu' am inaru', am inalap ku niayuk rinalin ru surat ondo' kalo sinaapan.

MATIUS 4:1

I Jisus pana inibit boo ru Ambiluo ri Aki Kapuuno' giu' ra tana' kaagisan koson kinamin Io ru Tingganai ru riwato.

LUKAS 2:22

Nasuku' noyo orou pangimpasawan maya' ra kaulayan ru Ukum ri Musa, inibit nilo lalagang no ra bandar Jirusalim koson pataakon ra Tuhan.

LUKAS 2:28

Alapo' am kubibilo' ri Simion lalagang no, am pongompor io boo ri Aki Kapuuno', kono,

LUKAS 2:41

Moonong bilor matuo ri Jisus mongoi pangiantak ra Orou Paska giu' ra Jirusalim.

LUKAS 2:48

Matuo Nali pana nangimuag nagilong Riso. Indagu ina' Nali Riso, “Lagang, kua guat Kou koson raginio? Akai mangkatuo maimamang kaga' Rirun!”

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

LUKAS 4:1

Paat ri Jisus minuli' intor ra Sungoi Jordan, kinuasa' Io toojo ru Ambiluo ri Aki Kapuuno' am inibit Io ru Ambiluo ri Aki Kapuuno' no giu' ra tana' kaagisan.

RINALATAN 10:19

Paat ri Pitrus lakat ayuk poyo maguyum ra arati' ru pagilangan ni, indagu Ambiluo ri Aki Kapuuno' riso, “Pitrus, mokoondo' talu ngaulun maguyum rirun.

RINALATAN 11:12

Indagu Ambiluo ri Aki Kapuuno' i raki' koson maya' risilo am kalo pana maimamang. Onom ngaulun ragitio minaya' raki' mongoi ra Kaisaria am ngaangai' akai minumpos ra baloi ri Konilius i.

RINALATAN 16:7

Paat ra ilo nakasuku' ra Misia, kuminam ilo mongoi ra Bitinia, kaa' Ambiluo ri Jisus ti noyo nanginga' risilo.

RINALATAN 8:29

Indagu Ambiluo ri Aki Kapuuno' no ri Pilipus, “Inggaari' sinakayan nano.”

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.

PINAINTALANG 17:3

Ambiluo ri Aki Kapuuno' no boo nanguasa' raki' am ibito' aku ru sangulun malaikat ra intok masiluk. Giu' no makito ku sangulun ruandu' nanturung ra rasawat ru sanginan bibiag masigo malia' ondo' natitip niayuk ra tinulisan ra inggalan magulas ri Aki Kapuuno'. Bibiag masigo no makaulu tulu' am makasangau mopor.