LUKAS 2:13 - Tanou Moonsoi Timugon

¹³ Pulusat boo ru masuang malaikat ra bokon intor ra suruga' nababaya' ra malaikat ra raitii' ni. Nongompor ilo ri Aki Kapuuno', konilo,

LUKAS 2:13 Iomraidhean Croise

KASAUKAN 28:12

Paginupi boo i Jakub, nakito no rondo' tukar giti ra tana' ti am pompor no nakasuku' ra limbowon, am malaikat-malaikat tumuun magaloi ra tukar no.

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

AYUP 38:7

paat ra butitin-butitin ru susuab ti mababaya' marimbai, am ilo ondo' maayag giu' ra suruga' magilakup maansukan?

MAZMUR 148:2

Omporo' Iono, akau ngaangai' malaikat Nano, omporo' Iono, akau ngaangai' saujor ru suruga'.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

YEHEZKIEL 3:12

Kayango' aku boo ru Ambiluo ri Aki Kapuuno', am norongog ku bolos mosongou intor ra talikuron ondo' mindagu, “Omporo' noyo katulayan ru Tuhan giu' ra suruga'!”

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

LUKAS 2:12

Gitio tatandu' nano, makatuum kau sangulun lalagang kinusib ra konoon ondo' pinalangan ra rondo' papaakanan ra bibiag.”

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

IPISUS 3:10

Maa' raginio koson ra raino ti, mansail ra pasimpungan ulun Kristian, mampakito i Aki Kapuuno' ra kapintaran Nano ra mangunguasa' am kaikangan ru limbowon ti.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

PINAINTALANG 5:11

Kakito ku poyo, am korongog ku bolos ru malaikat, ondo' riribu am jujuta' suang no. Liminiput ilo bigor ra takhta no nabaya' ra kaapat ilo ondo' maayag am tingganai-tingganai no.