LUKAS 19:9 - Tanou Moonsoi Timugon

⁹ Indagu i Jisus riso, “Orou raiti' akau sambaloi binayag ri Aki Kapuuno', sabap ra okou pana papag ri Abragam.

LUKAS 19:9 Iomraidhean Croise

LUKAS 13:16

Ilai' ruandu' papag ri Abragam ti, binangkil io ru Tingganai ru riwato buoi mopor am balu' ngambilor. Kalo kia bugalon babangkil nano paat ra orou Sabat?”

LUKAS 13:30

Totopot ra ulun ondo' raino ti makatauli, makasigulu ilo ra maagu no, am ulun ondo' raino ti makasigulu, makatauli ilo.”

LUKAS 16:24

Golok io, ‘Aki Abragam! Pakaasi' no raki'! Susubo' i Lajarus mompososop ra tutulu' nano ra timug pampasalui ra rila' kutu, sabap ra maimbolo' aku toojo ralalom ru apui ti!’

LUKAS 16:30

Kaa' indagu ulun langkaya' no, ‘Aki Abragam, kalo mampaguang ilo toojo, kaa' amon ru mokoondo' sangulun maayag saguli' intor ra kapatayan am matong risilo, maaru' tumalikur ilo intor ra tula nilo.’

LUKAS 2:30

Sabap ra nakito ku noyo Mamamayag intor Rirun,

LUKAS 3:8

Pakitono' min noyo paliso am baal mino ra nakatalikur kano intor ra tula mino! Pai' kau indagu ra rondo' am bokon ra kinamatuaan mini am i Abragam. Karaa' min! Intor ra batu-batu ti pana maangun ri Aki Kapuuno' ra papag ri Abragam!

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 3:29

Kaa' amon ru longgom kau noyo ri Kristus, papag kau ri Abragam, am niayuk makaapu kau ra atan ondo' binantu' ri Aki Kapuuno'.

GALATIA 3:7

Intor raginio totopot akau makatutun noyo ra ulun ondo' masauk ra papag toojo ri Abragam no, ioginio ilo ondo' mangintopot ri Aki Kapuuno'.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.