LUKAS 19:22 - Tanou Moonsoi Timugon

²² Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

LUKAS 19:22 Iomraidhean Croise

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

MATIUS 12:37

Sabap ra ragu muno galama' ondo' mamisara' rirun, ra makasala kou kia kapoam kalo.”

MATIUS 22:12

Kuati' no boo ulun no, ‘Rangan, ati kulaan nakasubol kou ra kalo mambayang kou ra bayang moonsoi toojo?’ Ulun ti nongkoror.

LUKAS 19:21

Sotopot no malaa' aku rirun sabap ra nakapandai aku ra okou ti kolondo' guang. Sala' pana ka okou tatangan, alapon mu niayuk, am sala' ka tinanom mu, kumoson mu niayuk.’

LUKAS 19:23

Ginio poyo, kua pai' mu paulio' ruit kuli ra bank am ra aku sumaguli' maapu ku boo ruit i mabaya' ra ampos nano.’

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.