LUKAS 18:32 - Tanou Moonsoi Timugon

³² Pataakin Io ra ulun sala' ka Jaudi. Asabin, iison am niayuk tiwagin Io.

LUKAS 18:32 Iomraidhean Croise

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

JISAYA 52:14

Galing i masuang ulun makatigog magilong riso, bulos nano pinilatan saboi koson sala' boo ka ulun.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

MIKA 5:1

Indagu Tuhan, “Okou Bitligim Iprata, okou rorondo' bandar ondo' boborok kaga' giu' ra pagun ru Jiuda, kaa' intor rirun aniin Ku Israil ra sangulun panguasa'; intor ru kinamatuaan nano timinalimpuun intor ra galing i ayuk poyo.”

MATIUS 16:21

Intor boo raginio pambala' boo toojo i Jisus ra maamaya'-maamaya' Nano, “Mongoi Aku ra Jirusalim am imboloon Aku ru tingganai ru ulun ru Jaudi, tingganai imam ru Jaudi am mangingila' ra Ukum ri Musa. Potoyon nilo Aku, kaa' malupus kataluan bayagon Aku saguli' intor ra kapatayan!”

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 22:6

am bokon i poyo namparakop ra ulipon-ulipon ru raja', linamba' am pinatoi nilo ulipon-ulipon i.

MATIUS 26:67

Taam ilo, “Io ti makasala, musiti' potoyon.” Tiwagi' nilo boo bulos ri Jisus am lambaa' am ulun ondo' nampalapis Riso no

MATIUS 27:2

Bangkilo' nilo Io am ibito' paumaan ri Pilatus, gabenor karajaan Roma.

MARKUS 14:65

Nantiwog boo kukula' ngaulun ri Jisus. Mokoondo' poyo nanili ra mato Nano am linamba' nilo. Konilo, “Kinami' sabito', osoi nampalamba' Rirun?” Saujor-saujor pana minaya' panampiling Riso.

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

LUKAS 18:33

Loposon am potoyon nilo Io; kaa' malupus kataluan ra orou bayagon Io po saguli'.”

LUKAS 23:1

Ngaangai' ulun ru Majlis Ugama i miningkakat am ibito' nilo i Jisus muma' ri gabenor Pilatus.

LUKAS 23:11

Iniis am inasaban Io ri Irodis am saujor-saujor nano. Pambayango' nilo Io ra sukub moonsoi ru raja' am paatari' no saguli' ri Pilatus.

LUKAS 23:35

Ulun masuang ondo' soroi ra giu' i nonontong ayuk, liliwa' tingganai ru ulun ru Jaudi nangiis Riso, konilo, “Namayag Io ra ulun bokon, kaa' amon ru motopot ra Io no Mamamayag ondo' sinusub ri Aki Kapuuno', polosoon Io mibayag galama'!”

JUANIS 18:22

Karagu ginio ri Jisus, sangulun pulis ra giu' i nampalapis ra pingas Nali, am indagu, “Ginio kia tataam Muno ra Tingganai Maayo Imam?”

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 18:30

Taam ilo, “Kalo paumaan mai Io rirun amon ru kolondo' sala Nano.”

JUANIS 18:32

Gitio nasauk koson nasugut boo ragu ri Jisus ra ati kulaan patayan Nano.)

JUANIS 18:35

Taam i Pilatus, “Aku sala' ka ulun ru Jaudi. Ulun ru bansa' Muno galama' am tingganai imam no ondo' nampauma' Rirun raki'. Atan guat binaal Muno?”

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.