LUKAS 18:24 - Tanou Moonsoi Timugon

²⁴ Ponontong i Jisus riso am indagu, “Mumpara' boo pagon ru sangulun langkaya' masauk ra ulun ri Aki Kapuuno'!

LUKAS 18:24 Iomraidhean Croise

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

AMSAL 11:28

Osoi lumansan ra rapu' maratu' io koson ra raun mapua', kaa' ulun ra kolondo' tula tumuu' koson ra sakot malabung.

AMSAL 18:11

Kaa' pangkaraan ru ulun langkaya' rapu' no manindung risilo koson ra timbok masawat am mapiot ra libung ru bandar.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

MARKUS 6:26

Intor raginio mangiluk boo kaga' guang ru raja' no, kaa' nakapagibot io noyo am ngaangai' tambului nano nokorongog am musiti' gagayaan no.

LUKAS 18:23

Kaa' pokorongog ulun no ra ragu ri Jisus, mangiluk boo guang nali sabap ra langkaya' io toojo.