LUKAS 17:8 - Tanou Moonsoi Timugon

⁸ Maaru' kalo! Kaa' mindagu kou riso ra, ‘Pongoono' akanon kuno, ralin no, am sulungin mu aku ra akanon am inumon; mopongo raginio okou bagu mangakan.’

LUKAS 17:8 Iomraidhean Croise

KASAUKAN 43:16

Pakakito i Jusup ri Binjamin nabaya' risilo, indagu io ra ulipon ondo' magalung ra baloi nano, “Ibito' ilo ti mumpos ra baloi. Mangakan aku mababaya' risilo ra tanga' ru orou no. Simbaluyo' noyo sanginan kana' am pongoono' noyo ginio.”

2 SAMUIL 12:20

Kopongo raginio sukal Raja' Daut intor ra sulig, pariu', nansurai ra abuk, ralin ra bayang am ongoi sambayang giu' ra Baloi ru Tuhan. Kopongo raginio saguli' io ra istana, pakisulung ra akanon, am pangakan.

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

LUKAS 17:7

“Amon ru mokoondo' ramuyun sangulun ulipon ondo' mamparagus kapoam magalung ra domba, mindagu kau kia riso ra io minuli' intor ra umo, ‘Ibok no, ribaki' mangakan?’

LUKAS 17:9

Sangulun ulipon kalo pana omporon ra io gumagaya' ra susuban ru tuan nano.

JUANIS 13:4

Ginio boo ra ingkakat Io, aluso' No sukub Nali am pobongkoso' No tiwala' ra awak Nali.