LUKAS 17:14 - Tanou Moonsoi Timugon

¹⁴ Kakito ilo ri Jisus, indagu Io, “Ongoi kano ra imam Jaudi am polosoo' io mangiou ra akau nababas noyo.” Liliwa' ilo nangkiralan i, nababas ilo.

LUKAS 17:14 Iomraidhean Croise

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”

JUANIS 11:10

Kaa' amon ru sasangulun no mugar ra molondom, makasaru io, sabap ra kolondo' sinda riso.”

JUANIS 2:5

Indagu ina' Nano ra kambo-kambo no, kono, “Gagayaa' min atan ayuk panusuban Nano ramuyun.”

JUANIS 9:7

Indagu boo i Jisus riso, “Ongoi no panginjagup giu' ra kulam Siloam.” (Arati' ru Siloam no, ‘sinusub’.) Ginio ra ongoi ulun i panginjagup am ra io minuli', makakito io no.