LUKAS 16:17 - Tanou Moonsoi Timugon

¹⁷ Kaa' maluoi poyo toojo limbowon am tana' ti mapuso intor ra rondo' urup pana ralalom Ukum ri Musa luluon.

LUKAS 16:17 Iomraidhean Croise

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

LUKAS 21:33

Limbowon am tana' ti mapuso, kaa' ragu Kutu mantilayun.”

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

1 PITRUS 1:25

kaa' bala' ru Tuhan kalo makulau am mantilayun.” Bala' ragitio noyo Tanou Moonsoi ondo' pinasaboi mai ramuyun.

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 21:1

Kakito ku boo limbowon am tana' bagu. Limbowon am tana' kasaa' naliom noyo am raat no kalio boo.

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”