LUKAS 16:15 - Tanou Moonsoi Timugon

¹⁵ Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

LUKAS 16:15 Iomraidhean Croise

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

2 TUNUNG RU BANSA' ISRAIL 6:30

rongogo' noyo pakiasian nilo. Rongogo' ilo intor ra intok ayanan Muno giu' ra suruga' am ampuno' ilo. Okou ayuk ondo' makapandai ra suang ru guang ru ulun. Ginio ra pamakuan ra moonong ulun mogondo' ra binaal nano,

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 49:13

Kabalu' pana ulun no langkaya', koson niayuk ra bibiag, ilo pana mapandai matoi niayuk.

MAZMUR 49:18

paat ra ilo matoi kolondo' atan-atan maibit nilo; rapu' nilono kalo makatibaya' ra ilo lobongon.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

AMSAL 16:5

Masisang Tuhan ra ulun malilimbau; kalo polosoon No ilo makalabus intor ra ukuman.

AMSAL 20:6

Masuang ulun mangku ra ilo gumagaya', kaa' ulun topot-topot gumagaya', mapagon matuum.

AMSAL 21:2

Pangkaraan ru ulun nansalinut binaal nilono moonsoi; kaa' karaa' noyo, mapandayan ru Tuhan suang ru guang ru ulun.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

MATIUS 23:5

Ilo mambaal ngaangai' ragitio makikiilong ayuk ra ulun: Ilai' ayuk gayo ru pambulian ra tayar ru Buuk Kitab ondo' pinabangkos ra ulu am longon nilono; Ilai' ayuk gawar ru rumbai ru bayang nilono!

MATIUS 6:16

“Paat ra akau mampali, pai' no parikarus koson ra ulun-ulun maabau-abau. Kalo manginjagup ilo koson makiilong ra ulun ra ilo ti mampali. Karaa' min, ilo ti nakaalap noyo ra balos.

MATIUS 6:2

“Paat ra akau manaak, pai' min sisiraa' baal ragitio koson ondo' baalon ru ulun maabau-abau giu' ra baloi sambayangan am niayuk giu' ra lilisangon ru ralan, sabap ra makiompor ilo ra ulun. Karaa' min, ilo ti nakaalap noyo ra ampos nilono.

MATIUS 6:5

“Paat ra akau makiasi', pai' kau tilu ra ulun-ulun ra maabau-abau. Ilo ti masaga' mangintairoi am makiasi' giu' ra baloi sambayangan am poyo giu' ra lilisangon ru ralan koson makiilong ilo ra ulun. Karaa' min, ilo ti nakaalap noyo ra balos nilono.

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

LUKAS 11:39

Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan.

LUKAS 18:11

Ulun ru Parisi no minigor am nakiasi' io, kono, ‘Aki Kapuuno', paringkuanangan ku Rirun, sabap ra kalo makalit aku kapoam magabau, kapoam lumapau, koson ra ulun bokon. Paringkuanangan ku sabap ra aku sala' ka koson ra mampalulur ra cukai no.

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

LUKAS 18:21

Taam ulun no, “Ngaangai' susuban no ginagaya' ku intor aku mamulok ayuk poyo.”

LUKAS 18:9

Tinunung niayuk ri Jisus abig ragitio ra ulun-ulun ondo' mangkara' ra ilo ayuk galama' motopot am magasab ilo poyo ra ulun bokon.

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

LUKAS 20:47

Mamparuung ilo ra napuor koson talingaawon nilo baloi nilai, kaa' giu' ra saang ru ulun, mabuoi ilo rokokoon makiasi'! Mulu' poyo bagat ru ukuman nilo ra maagu no.”

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 1:18

Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 8:27

I Aki Kapuuno' ondo' makapandai ra ngaangai' ru guang ru ulun, makarati' ra kitaakon ru Ambiluo Nano. Sabap ra maya' ra kasagaan ri Aki Kapuuno' galama' makitaak Ambiluo Nano ri Aki Kapuuno' koson ra ulun Nano.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”