LUKAS 16:13 - Tanou Moonsoi Timugon

¹³ Kolondo' sangulun ulipon pana makapangandoi ra ruo tuan. Amon ru koson raginio, tagamin no sangulun am kasisangin no sangulun, kapoam gagayaan no sangulun am kalo rongogon no sangulun. Koson niayuk ramuyun ra kalo makapangandoi kau toojo ri Aki Kapuuno' magampan maguyum ra kalangkayaan.”

LUKAS 16:13 Iomraidhean Croise

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

LUKAS 11:23

Osoi kalo maya' Raki', sotopot no manggal Raki'. Osoi kalo mangindangan Raki' manimung, sotopot no mampatuliar!”

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

LUKAS 16:12

Amon ru akau kalo boo kalansanin mampakai ra kuliamos ru ulun, osoi masaga' mangani' ramuyun ra atan ayuk pana?

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 9:50

Indagu i Jisus ri Juanis am maamaya' Nano ra bokon, “Pai' io inggalari'! Sabap ra osoi kalo manggal ramuyun, arati' no io no bala min.”

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”