LUKAS 15:22 - Tanou Moonsoi Timugon

²² Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

LUKAS 15:22 Iomraidhean Croise

KASAUKAN 41:42

Paguso' ru raja' sinsing intor ra bubua' ru kalindu' nano, ondo' tinatanduan ra kuasa' ru raja' ru Misir, am pasinsingo' ra bubua' ru kalindu' ri Jusup. Pambayango' no i Jusup ra sukub binaal intor ra linon am pansisigoto' no ra sisigot mas.

ESTER 3:10

Pokorongog ra baal raginio, paguso' ru raja' sinsing intor ra bubua' ru kalindu' nano; sinsing raginio noyo ondo' pinakai no koson ra saap ru papatanawan rasmi. Pinataak ru raja' sinsing no ra pantula' maayo ru ulun ru Jaudi, iono i Gaman anak ri Gamidata, papag ri Agag.

ESTER 8:2

Pinagus ru raja' sinsing pasaapon ondo' bagu inalap no saguli' intor ri Gaman, am pataako' no ri Mordikai. Linantik poyo ri Ester i Mordikai nasauk ra panguasa' ra rapu' ri Gaman.

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

MAZMUR 18:33

Io noyo i Aki Kapuuno' ondo' napaikang raki', am napasauk ra ralan kuno kalinuos ayuk.

MAZMUR 45:13

Ulun ru Tirus magibit ra tangguang pataakon rirun, ulun langkaya' kuminam pamunduk ra guang muno.

RIMBAI PANGAMPARAN 7:1

Mapara' piboo kinapasau muno, alii ra ralaa! Moonsoi pagilayan ra kalayam muno am ra tarumpak no! Bangkul ru paa muno moonsoi ra ilain koson ra limpor ondo' tinuyu' ru ulun mampalukis.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

LUKAS 15:21

Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’

LUKAS 15:23

Alapo' min anak ru sapi' ondo' molomok am simbaluyo' min, munsag am pakaansuk takau.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

GALATIA 3:27

Sabap ra osoi ayuk ondo' riniu' am pinasimpung ri Kristus, io niayuk mokoondo' ra paliso ri Kristus galama'.

IPISUS 6:15

Am poyo kapiratan ru guang mino mampabala' ra Tanou Moonsoi ondo' magibit ra pabansayan ti, koson ra kasut min.

SAGULION 33:25

Gama' ru ampinin bandar-bandar nano ru kulobon garabang basi', gama' ru bayag nano magail moonsoi am mamimio.”

PINAINTALANG 19:8

Pinataak noyo riso ra bayang linon ondo' manguliat.” (Bayang linon no ioginio baal moonsoi ru ulun ri Aki Kapuuno'.)

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

PINAINTALANG 6:11

Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.