LUKAS 15:13 - Tanou Moonsoi Timugon

¹³ Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali.

LUKAS 15:13 Iomraidhean Croise

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

AMSAL 18:9

Ulun matiar nogondo' laat nano ra ulun masaga' mangkinibit ra kalaatan.

AMSAL 21:17

Ulun ondo' magitambingai am mainum-inum am niayuk mangakan ra akanon malanging kalo lumangkaya'.

AMSAL 21:20

Ulun mapintar magulayun langkaya', kaa' ulun sasambungon anduson no rapu' nilono.

AMSAL 27:8

Ulun ondo' maalur intor ra baloi, koson ra susuit kolondo' bunsut.

AMSAL 28:7

Ulun mamulok ondo' gumagaya' ra ukum io no mapintar. Ulun makimangkubayau ra mangangandus mapakauyu' ra ama' nano.

AMSAL 29:3

Osoi maringkuanang ra mapintar, mapabansuk ra ama' nano. Osoi masalok lumatok ra ruandu' mantalan ra inan mampalubat ra ruit.

AMSAL 6:26

Pambabayar ra ruandu' mantalan ra inan koson ayuk ra logo ru sampiring akanon, kaa' lumapau ra andu' ru ulun io no musiti' bayarin ra painawo.

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 2:5

Indagu Tuhan, “Atan kia panguwan ru kinamatuaan min Raki'? Kua kia talikur ilo Raki'? Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong.

MIKA 6:3

Indagu Tuhan, “Ulun Ku ngai', atan nua' binaal Kuno ramuyun? Ralalom ru baal atan nua' nantipagon Aku ramuyun? Taamo' noyo.

LUKAS 15:12

Indagu boo pupusan i ra ama' nali, ‘Ama', pataaki' raki' raino tayar ku ra rapu' no.’ Tayaro' boo ru ama' i rapu' nali ra magaka' no.

LUKAS 15:14

Nakai' ruit nali ra mataki'. Kasauk bitilan ra titikop pagun no, am io galama' kolondo' atan ayuk pana.

LUKAS 15:30

Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’

LUKAS 16:1

Indagu i Jisus ra maamaya' Nano, “Mokoondo' sangulun langkaya' mampagaji' ra sangulun manijor magalung ra rapu' nali. Binalaan io ra manijor ti nampaluung ra ruit nano.

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

IPISUS 2:13

Kaa' raino, akau ondo' galing i maalur intor Riso, mamaar kau boo ralalom pasimpungan min ri Kristus Jisus, sabap ra kapatayan Nano.

IPISUS 2:17

Ginio boo i Kristus minatong am pampasaboi ra Tanou Moonsoi ondo' magibit ra pabansayan ra ngaangai' ulun; ioginio akau ulun sala' ka Jaudi, ondo' gili maalur intor ri Aki Kapuuno', am niayuk ra ulun ru Jaudi, ondo' gili mamaar ri Aki Kapuuno'.

2 PITRUS 2:13

Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.