LUKAS 14:23 - Tanou Moonsoi Timugon

²³ Indagu tuan no ra ulipon nano, ‘Ongoi no ra ralan maayo am boborok giu' ra liwar ru bandar am jajali' porotongo' ngaangai' ulun, koson mososok boo baloi kutu.

LUKAS 14:23 Iomraidhean Croise

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

MATIUS 5:41

Amon ru jajalin kou ru sangulun saujor mamarinta magibit ra kuliamos nano galur rondo' kilomito, ibito' noyo kuliamos nano suku' ruo ngakilomito.

LUKAS 14:22

Kopongo ragili indagu ulipon no, ‘Tuan, nanusuban muli binaal noyo, kaa' lakat ayuk poyo mokoondo' masuang intok panturungan.’

LUKAS 14:24

Balain takamin, kolondo' sangulun pana intor ra piniau galing kuli makasia' ra akanon ru bunsag kutu!’ ”

LUKAS 24:29

Kaa' ingai' nilo Io, konilo, “Pombolong ayuk ragiti sabap ra mamai' noyo nai am lumondom galing noyo.” Ginio ra apit i Jisus am umpos ra intok nilai.

RINALATAN 16:15

I Lidia am ilo sasambaloi pana riniu' boo. Kopongo ilo riniu', pangkimait boo i Lidia ramon, kono, “Amon ru mangintopot kau ra aku ti nangapu noyo ri Jisus, ongoi kano ayan ra baloi kuno.” Nangkikimait io ramon saboi akai pana giminagaya' ayuk.

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.