LUKAS 14:21 - Tanou Moonsoi Timugon

²¹ Uli' ulipon no am pambala' ra tuan nano. Siminangit io toojo am indagu ra ulipon nano, ‘Ribaki' ongoi ra ralan maayo am boborok giu' ra bandar am piawo' ulun musikin, ulun kalo makalulu', ulun bolou am ulun kimpo'.’

LUKAS 14:21 Iomraidhean Croise

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 38:7

Nakakuung am nakatungaap aku; monsongorou aku mangiluk guang.

JISAYA 35:6

Ulun kalo makaugar tumindak koson ra tambang, am bungangang magilakup makaansuk. Taur ru timug tumampusis giu' ra tana' kaagisan, am sungoi tumilis ra tana' kataunan.

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

JAKARIA 11:11

Koson raginio noyo nabantuan no inukat paat ra orou raginio. Ulun-ulun mantalan ra domba nagilong raki', am nakapandai ilo ra Tuhan tatanga' mindagu ralalom ru binaal kuno.

JAKARIA 11:7

Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 15:12

Maamaya'-maamaya' ri Jisus pana minatong boo am indagu Riso, “Mangingila', makapandai Kou kia ra guang ru ulun-ulun ru Parisi no nasindualan ra ragu Muni?”

MATIUS 18:31

Paat ra ulipon-ulipon ra bokon no nakakito, makaasi' ilo am pabalaa' nilo ra raja'.

MATIUS 20:7

Taam ulun-ulun i, ‘Sabap ra kolondo' ulun mangkimait ramon mangandoi.’ ‘Amon ru koson raginio,’ kon ru tatangan ra umo i, ‘Ongoi kau pangandoi ra umo kuno.’

LUKAS 14:13

Kaa' amon ru mampiau kou ra ulun mongoi akan ra baloi, piawo' niayuk ulun musikin, ulun kalo makalulu', ulun kimpo' am ulun bolou.

LUKAS 14:20

Bokon i mindagu, ‘Bagu aku ayuk naguot; ginio sabap ra aku kalo makaratong.’

LUKAS 14:22

Kopongo ragili indagu ulipon no, ‘Tuan, nanusuban muli binaal noyo, kaa' lakat ayuk poyo mokoondo' masuang intok panturungan.’

LUKAS 14:24

Balain takamin, kolondo' sangulun pana intor ra piniau galing kuli makasia' ra akanon ru bunsag kutu!’ ”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 9:10

Saguli' rasul-rasul am pantunung ilo ri Jisus ra ngaangai' binaal nilai. Ibito' ilo ri Jisus ra rondo' intok masiluk mamaar ra pekan Bitsaida.

JUANIS 9:39

Kon ri Jisus, “Aku minatong ra tana' ti mongoi pangakim, maa' raginio ulun noolou makakito am ulun makakito moolou boo.”

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.

1 SAMUIL 25:12

Ginio ra ulun-ulun ri Daut siminaguli' ri Daut am nambala' ra rinagu ri Nabal no riso.