LUKAS 14:15 - Tanou Moonsoi Timugon

¹⁵ Kaining ru sangulun tambului i ragu ri Jisus, indagu io Riso, “Mumpara' bonsoi nilo ondo' mabaya' ri Aki Kapuuno' mangakan ra bunsag maayo ra Tana' Bagu ri Aki Kapuuno'.”

LUKAS 14:15 Iomraidhean Croise

MATIUS 25:10

Ralaa limo ngaulun ti ongoi bali. Buoi ilo minugar, pakasuku' boo ungkuyon uatin i, am limo ngaulun nakatampos ti subol ra bunsag mabaya' ra ungkuyon uatin am kulobon pana inangaban.

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

LUKAS 13:29

Matong ulun intor ra sirangon, kalasaan, ralayo am rabugus mantulibung ilo pangakan giu' ra Tana' Bagu ri Aki Kapuuno'.

LUKAS 22:16

Balain takamin: Kalo boo mangakan Aku ra pagakanan ragitio saboi ra arati' nati pabalaan giu' ra Tana' Bagu ri Aki Kapuuno'.”

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”