LUKAS 14:13 - Tanou Moonsoi Timugon

¹³ Kaa' amon ru mampiau kou ra ulun mongoi akan ra baloi, piawo' niayuk ulun musikin, ulun kalo makalulu', ulun kimpo' am ulun bolou.

LUKAS 14:13 Iomraidhean Croise

2 SAMUIL 6:19

am nantayar ra akanon risilo ngaangai'. Nangani' io ra rondo' ruti', sangkinis kual pinanggang, am kismis ra moonong ungkuyon am ruandu' giu' ra Israil. Kopongo raginio uli' ilo ra baloi ru sigagama'.

2 TUNUNG RU BANSA' ISRAIL 30:24

Nanaak Raja' Gijkia ra 1,000 ngainan sapi' gawayan am 7,000 ngainan domba koson sinimbalui am inakan ru mamagun. Pagawai-pagawai nanaak 1,000 ngainan sapi' gawayan am 10,000 ngainan domba. Paat raginio masuang kaga' imam namasau ra inan.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

AYUP 29:13

Inompor aku ru ulun ondo' mapagon kaga', am inindangan ku ruandu' napuor nakaalap ra sindungan.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AMSAL 22:9

Ulun mataau am mantayar ra akanon no ra ulun musikin, barakaton io ru Tuhan.

JISAYA 58:10

Paakano' noyo ulun naitilan am indangano' noyo ulun-ulun ondo' inimpayan. Amon ru makapambaal kau koson raginio, kalandaman pana giu' ra liliut mino masauk matawang koson ra orou ti.

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

MATIUS 15:30

Masuang ulun minatong Riso nagibit ra ulun ondo' pakira', bolou, kalo makalulu', bobou, am masuang poyo ulun narualan. Ibito' nilo ulun-ulun ragitio ra saang ri Jisus am ilo ngaangai' ti binabas ri Jisus.

MATIUS 22:10

Ulipon-ulipon no pana ugar boo. Ongoi ilo ra ralan mangaayo am timungo' nilo ngaangai' ulun ra nauma' nilo ra giu' ni, ondo' moonsoi kapoam malaat. Nososok boo intok ru bunsag paguatan i ra tambului.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

LUKAS 14:12

Indagu boo i Jisus ra tatangan ra baloi i, “Maampon ru mampiau kou ra ulun mongoi akan ra baloi muno, pai' piawo' pabukat muno, rangan muno, kapoam pasambalayan muno ondo' langkaya' no. Sabap ra balasin kou boo piawo', am ginio noyo ampos muno.

LUKAS 14:14

Barakaton kou boo sabap ra ulun ragitilo kalo makabalos rirun, kaa' i Aki Kapuuno' mambalos rirun paat ra ulun motopot bayagon saguli'.”

LUKAS 14:21

Uli' ulipon no am pambala' ra tuan nano. Siminangit io toojo am indagu ra ulipon nano, ‘Ribaki' ongoi ra ralan maayo am boborok giu' ra bandar am piawo' ulun musikin, ulun kalo makalulu', ulun bolou am ulun kimpo'.’

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

PILIMON 1:7

Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.