LUKAS 13:24 - Tanou Moonsoi Timugon

²⁴ “Kinami' min toojo sumubol ra kulobon ondo' mapisok no. Balain takamin, masuang ulun kuminam subol kaa' kalo makaumpos ilo.

LUKAS 13:24 Iomraidhean Croise

AMSAL 14:6

Ulun malilimbau kalo masauk ra mapintar, kaa' ulun mapintar matasu' migigila'.

AMSAL 21:25

Ulun matiar kalo masaga' mangandoi; potoyon io ru gogoton nano.

MAMPATANOU 10:15

Sangulun ondo' nangandoi saboi nakai' ikang ru inan koson ra sangulun kalo matanda' ondo' kalo makapandai ra ralan mongoi ra baloi nano galama'.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

LUKAS 13:23

Pangkuot sangulun i Riso, “Tuan, kalo masuang kia ulun bayagon?” Taam i Jisus risilo,

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

JUANIS 13:33

Anak-anak ondo' tagamin Kuno, kalo boo mabuoi Aku soroi ramuyun. Maguyum kau pana Raki'; kaa' ondo' rinagu Kuno ra tingganai ru ulun ru Jaudi, raino raguon Ku poyo ramuyun, ‘Kalo mokoongoi kau ra angayan Kuno.’

JUANIS 5:4

Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 7:34

Uyumon min Aku, kaa' kalo matuum min Aku, sabap ra ati angayan Kuno, kalo mokoongoi kau.”

JUANIS 8:21

Indagu poyo i Jisus risilo, “Aku ti mugar am maguyum kau poyo Raki', kaa' matoi kau ayuk mabaya' ra tula mino. Akau kalo mokoongoi ra angayan Kuno.”

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

JOSUA 7:3

nanaak ilo ri Josua ra pambalaan, “Kalo pana ngaangai' ulun mongoi bulunsar ra bandar no. Atari' ruo kapoam talu ngaribu ngaulun ayuk. Kalo pana ngaangai' pulalai ru saujor mongoi ra giu' koson mangayou sabap ra bandar Ai sala' ka bandar ondo' maayo.”

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.