LUKAS 13:19 - Tanou Moonsoi Timugon

¹⁹ Baal nano koson ra sangunor mustard ondo' inalap ru sangulun am tonomo' no giu' ra umo. Kabalu' pana malumot unor no, tumuu' am masauk ra puun masawat saboi manabunsut susuit-susuit ra raan nano.”

LUKAS 13:19 Iomraidhean Croise

RIMBAI PANGAMPARAN 4:12

Ambai am uoton kuno koson ra taman makatimbok, taman ondo' makatimbok, taur ru timug kuno galama'.

RIMBAI PANGAMPARAN 4:16

Luat no, alii ra angin ralayo. Siob no ra pagitatanaman kuno, alii ra angin rabugus; polosoo' noyo maamis owou muno iul-iul giu' ra limbowon. Gama' ru ambai kuno matong ra pagitatanaman kuno am mangakan ra kawa'-kawa' mangaamis.

RIMBAI PANGAMPARAN 6:2

Ambai kuno minongoi ra umo nano, umo nano ra apa' pampagamis ra akanon koson magalung ra tambiag nano giu' ra umo, liliwa' mangkatu' ra bunga' bakung.

RIMBAI PANGAMPARAN 8:13

Rorongogon ku ayuk bolos muno giu' ra umo, alii ra kalumpusan kuno; rangan-rangan kuno maginaa koson mangkirongog ra bolos muno.

JISAYA 53:1

Timinaam bansa' raginio, “Osoi kia mangintopot ra atan ondo' norongog mai? Osoi kia papasabayan ra kuasa' ru Tuhan?

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 61:11

Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

YEHEZKIEL 31:6

Ngaangai' salinut ru susuit nanabunsut ra raan nano, bibiag masigo naganak ra saau ra raan nano. Bansa'-bansa' sumindung ra saau nano.

DANIL 4:12

Raun-raun no moonsoi am kawa' no maawas kaga' – maukop koson akanon ru ulun ra titikop ru tana' ti. Bibiag masigo sumindung ra saau nano; susuit mambaal ra bunsut ra raan nano am ngaangai' ondo' maayag mangakan ra kawa' nano.

DANIL 4:21

Raun no moonsoi am kawa' no maawas kaga' saboi maukop ra akanon ru ulun ra titikop ru tana'. Bibiag masigo sumindung ra saau no am susuit mambaal ra bunsut ra raan no.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MATIUS 17:20

Taam i Jisus, “Sabap ra kalo mangintopot kau toojo. Karaa' min! Amon ru makapangintapatan kau koson ra gayo ru sangunor puun mustard, makaindagu kau ra bulur ti, ‘Banding no intor ragiti ongoi ra giu' no!’ am maaru' manding io! Makapambaal kau ra atan ayuk! [

MARKUS 4:30

Indagu i Jisus, “Ati koson baal nano ra i Aki Kapuuno' mamarinta? Atan pagabigan nano?

LUKAS 17:6

Taam i Jisus, “Amon ru mokoondo' kau sanganu ayuk pangintapatan koson ra gayo ru unor ru mustard pana, bagu makaindagu kau ra puun ru ara ti, ‘Kabubul no am pakatanom giu' ra raat!’, io pana gumagaya' ra susuban muno.”

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 4:4

Kaa' masuang ulun ondo' nokorongog ra pambalaan ru rasul-rasul nangintopot ri Jisus. Suang nilo riminuang saboi olo'-olo' limo ngaribu ngaulun.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”